نصائح مهمة جدا

موضوع: نصائح مهمة جدا 15/02/09, 02:39 pm

انا مش بس طالب توجيهي ... انا التوجيهي طالبني كمان
الكل بيقولي خليك بدراستك ... فش زي الشهادة بها الزمان
انسى الطشات والسهرات ... كإنك سجين والكتاب سجان
لا تشوف قرايب ولا أصحاب ... لا تروح على المطعم ولا على الدكان
اتغدى قوانين واتعشى معادلات ... واشرب كأس من مرارة الامتحان
لا تلفزيون ولا كمبيوتر ... ولا تلعب حتى مع حيوان
حتى الروحة على الحمام ... قبليها استدعاء وبعدها اصدار بيان
نام متأخر واصحى مبكر ... وجهك غسل واحلق بمعجون اسنان
كامل فاضل ادرس ناضل ... قلمك حامل في وجه العدوان
ثابر تابع درسك راجع ... لربك راكع انت وحدك الي كسبان
واجه داوم المشاكل قاوم ... كون عالم بعمرك ما بتنهان
اذا نجحت بتنفع حالك ... واذا بترسب بنفعكاش انسان
وقت الجد جد وما في مزح ... انت مش عايش بعصر الرومان
امشي مع شباب دريّسة ... وسيبك من شلة الزعران

بس التوجيهي تحدي ... وما بفوز فيه الا الذكي الفهمان
بكره بتقول يا ريتني درست ... يا ريتني سمعتك وما كان الي كان
بقولك أبوك : يابا يا حبيبي ... اذا بتنجح بسفرك على الصين او على اليابان
وبجيبلك سيارة اخر موديل BMW... أو فيراري او حتى نيسان
واذا بتحب بجوزك احلى بنت ... حتى لو كانت بنت " كوفي عنان "
انت بس انجح وارفع راسي ... وما تفضحني بين الاهل والاخوان
ركّز بالحصة مع استاذك ... تقضيهاش تلعب وسرحان
وبينزل فيك نصايح ... تقول واقف قدام لقمان
يا طلاب التوجيهي الاعزاء ... احلفكم بالله وبالانبياء وبالقرآن
فش احلى من النجاح ... حتى لو بتقلع عينك او بطيرلك ذان
لا ترسب ولا تعيد السنة ... تخليش واحد يكون فيك شمتان

بلاش تكون آخرتك بويجي ... او صاحب بسطة او بياع دخان

موضوع: رد: نصائح مهمة جدا 17/02/09, 02:25 am

اقتباس :: بلاش تكون آخرتك بويجي ... او صاحب بسطة او بياع دخان

مشكور ابو القسام على النصائح
دمت بخير

شكرا لتواجدك زائر نورت الصفحة

[ندعوك للتسجيل في المنتدى أو التعريف بنفسك لمعاينة هذه الصورة]

فلسطين : اذا أحبك مليار مسلم فأنــــــا منهــم 00

وان أحبك شخص واحد فهو أنــــــــــا 00

وان لم يحبك أحد فاعلمي أننى قد مت 00

[ندعوك للتسجيل في المنتدى أو التعريف بنفسك لمعاينة هذا الرابط]

موضوع: رد: نصائح مهمة جدا 18/02/09, 09:19 pm

مشكور اخي ابو القسام على النصائح المهمه جدا والله ولي التوفيق

التوقيـــــــــــــــــــع

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]

من يجرحك بكلمه اشربلك من دمه واكتب على قبره زلة لسان دفع ثمنها عمره

» الاستماع .....ثقافة مهمة
» معلومات مهمة
» معلومة مهمة
» تعريفات مهمة
» اكتشاف 5 حقائق مهمة