قرفتوا الحمص والمتبل والمعلبات ؟ طبخة سكنات جديدة لطلاب الجامعات , فوتوا اطبخوها واحكولي رايكم , قرب وجرب

صباحو الخير يا بني ادمين فردا جوزا وكل واحد بيجو هون من هون ليوم القيامة

بما انه يا جامعه الواحد بدرس بجامعه

وبالاخص انها بعيدة يعني بعيدة جدن يعني

وخاصة اذا كان تخصص كل يوم بتروح مجلوط وماكل زفت زي الهندسة

بدو يطبخله طبخة عشان يوكل اشي سخن وفي طعم اكل

مش حمص ومتبل وبروست وفلافل

قرف حاله الواحد :ي1

بعدين ببطل شوسمه <<

اه طبعن

عشان هيك قررت انه اطلع من سكني على الطابق اللي فوق عند جماعتي

الحوار كان هيك بالزبط

دق دق ودخلت

ايش يا بني ادم اكلت ؟

لا هينا بنزبط بمشروع طبخة

شو بدكم تسووا ؟

بنا نسوي شوربة ومعها طبيخ بنعرفش

قلتلهم فش شوربة

انا بطبخ خلص

متأكد ؟

اه طيعن

راحو الشباب ع الغرفه

وانا قعدت سحبة نفسين ارجيله

وبدا اللي فوق يطلع وينزل ويجيب بكم طبخة

اخر شي ضربت براسي انه اسوي اوزي مزورة بس

نظرا لانه مش متوفر التقنيات اللازمة للاشي العنجد

بنيجي هلأ ع مقادير الطبخة ::
1-كيس لحمة ابو ال 11 شيكل مفروم خشن.
2-بزيلا وجزر كيس مجمد . وركزوا بزيلا وجزر مش شوربة خضرا من اللي فيه ذرا
3-صلصله"بندورة يعني مطحونة جوا علب بتكون المعجون هيك" .
4-بهارات زي مبدك المهم بهارات بس يقضل علبه من ابو الشيكلين وفلفل اسود.
5-طنجرتين حجم وسط.
6-غاز ما بكونش خالص ويفضل في عينتين مش وحدة.
7-يكون في كهربا بالسكن عشان تشوف قدامك.
8-كيس رز حبة طويله ,, واذا عندك توالي رز جيب نفس نوعه عشان تعملعهم مع بعض.
9-ماجي 1.
10-قنية كولا ام الخمسه ونص.
11-متنساش تجيب كاسات بلاستيك عشان متتغلبش بالجلي.
12-علبتين لبن اذا انتوا اكثر من 3. واذا 3 وانزل علبه وحدة.

نوتسس مش مهمة بالمرة وملهاش خص بالدنيا :
لازم تسكر باب السكن بالمفتاح عشان محدش يجي ع الريحة.. وتطلع زي الخبصة من الطبيخ

المهم :

طريقة تحظير الاشياء :

بتفتح كيس الرز وبتحطه بصحن كبير وبتغسله من النشا 20 مرة لحد ما ينظف وبتحط عليه ميه عشان تنقعه.

بترمي اللحمة بميه دافيه عشان تذوب وبتغسلها منيح منيح,بعدها بتحطها بطنجرة فيها شويت زية وبتحركهم طبعن الغاز بكون مغل تحتهم عادي.

بتفرم بصلتين كبار معهم بس فرم ناعم.

بتحط ميّه بس تكثرش وبهارات ومكعب ماجي وملح وبتصير تحرك فيهم لحد ما يبدا لونهم يتغير ابو دقيقتين يعني .

بتفتح كيس البازبلا والجزر بسكينه من ام سنان هاي , وبترميه فوقهم وبتصير تخلط فيهم بع بعض قد مبتقدر بتخلطهم وبتحط كمان ميّه بس متكونش الميه مبينه فوقهم يعني بس عشان مينحرقوش بوبضلك اضيف بميه شوية شوية,

بس يستوا بتفتح 5 كياس صلصله وبتديرهم فوق الاشياء كلها وبتخلط منيح منيح وبتوطي الغاز ع الاخر وبتغطي عليهم .. واهم اشي يضل فيهم شويت صغيرة ميّه ميكونوش ناشفات يعني اشي اللي ما ينحرقوا ..

هلأ بتجيب طنجرة ثانيه وبتخط فيها شويت زيت وبس يسخن منيح بترمي الرز المنقوع فوقه,وبتحط عليه ميّه لحد ما تكون الميه غامرة الرز فوقه 2 سم يعني متكونش غامرته كثير. ورشتين ملح تكثروش..

وبتغطي عليييييييييهم .. اهم اشي

بس تغلا الميه ع الرز خلص مطب فيه خليه مغطى وموطى الغاز عليه ومتفتحش الغطايه كثير عليهن.

بس يستوي الرز بتطفي تحته وبتكون الطنجرة الثانيه جاهزة ..

بتجيب سدر كبير وبفرد الرز فيه

وبتجيب الطنجرة الثانيه وبتصير تشيل منها بمغرفه وتفرد فوق الرز لحد ما تغطيه كله.

وبتوخذ السدر وبتحطه ع الطاولة وبتفتح علبتين لبن وبتحطهم بصحون

وبتوخذ معالق وصحون وقنية الكولا ,,

ونادي الشباب بعدها

وهي صور من الاشي لأثبتلكم انه وصفه ناجحة :

بعد انهاء الافتراش :

طبعن الشباب كملوهم مقصروش بس بعدها بشوي

شوفوا ليش حكتلكم جيبوا كاسات بلاستيك :

والمصيبه انه بكونش حد قادر يجلي ومش قادر يقوم مبطوح ..

وان شا الله انها تكون عجبتكم..

نوتسس مهمة : طبعا يا جماعه لو في جوزة طيب ابشر مع اللحمة والبازيلا بس تكثرش بتطلع

واذا في صويا سوس من القنانيه اللي لونهم اسود بكون حط شويه عليهم بس يجو يستو

بطلع عنجد

قرفتوا الحمص والمتبل والمعلبات ؟ طبخة سكنات جديدة لطلاب الجامعات , فوتوا اطبخوها واحكولي رايكم , قرب وجرب Ouuuso11

mashkor 3ala haltab5a elzakya..... hay btenfa3 kaman la setat lebuot ele mo gay 3ala balhom yotbo5o......
bs laweno el5at akbar eshoe et3'alabet w ana baqra2 feha ...... w ma tele3o ma3e swar eltab5a bs shakelha betshahe shokran elk sheef saqer el7ag.......... w yareet 3ala tool etnazelna hek tab5at sare3a 3ashan nestafeed...

التوقيــــــــــــــــــــــــــع

اذا كان الامس قد ضاع
فبين يديك اليوم

واذا كان اليوم سوف يجمع اوراقه ويرحل
فلديك الغد

ولا تحزن على الامس فهو لن يعود
ولا تأسف على اليوم فهو راحل

واحلم بشمس مضيئة في غداً جميل ..