النصيحة

نصيحة ستي
صورة تراثية تربوية محكية
بقلم الداعي بالخير : صالح صلاح شبانة
[اسمع النصيحه مني يا ستي ، ولا تسكر بوجه النصيحه باب
زمان قالوا في المثل يا ستي ، اللي بعمل حاله عظم بتوكله الكلاب

وخلي هيبتك قويه وطوّل عصاتك ، ولا تكش قدام الناس وتزغر
ترى في ها لزمن يا ستي ، اللي ما بصير ذيب بتوكله الذياب

والناس يا ستي مع الواقف ، حتى لو الواقف أجَلّك الله حمار
وسكاكينهم بتنزل عَ الجمل ، لو الجمل وقِع وحظه في الحياه خاب

والجاي مزقفينله والرايح مطقطقينله ، وما دامك قوي وعزمك حديد
وجيبتك بالمصاري مخرخشه ، انت محترم وإلك رهبه ومُهاب

وان طفرت ولاَّ انطرحت ، وما ظل حواليك حدا ، لقيت حالك غريب
وكل احبابك واصحابك اللي بقوا حواليك ، صاروا أعداء وأغراب

اسمع النصيحه اللي بقت يا ستي بجمل ، وصارت بلا ثمن ما بتنقبل
كل مَن دشر قديمه تاه ، ولا تغتر بالحاضر وقوة العضل وعزم الشباب

كل شب للشيب رايح ، ماشي برجليه للزمن اللي رح يطبق عليه
ويعيش جوّاه ، بحلوه ومُرّه ، بعجره وببجره ، بالحسره والعذاب

تقرأ بلهجة أهل سنجل

هذه ايام ما كانت النصيحه بمصاري هل ايام النصيحه ببلاش ومفش حد بيسمع