عاش يوم الارض

يوم الارض الارض بتتكلم فلسطيني

يايوم الارض يا يوم الكرامة

في يوم الارض شعبي قام قيامة

قرية سخنين نادت ع الابطالي

وجبل النار ردلها الجوابي

في هاظا اليوم قالت ندهت لينا

يالله يا رفاق سيروا للامامي
نذر عليه لو اجتني بنت لا اسميها لينا

ونذر لو اجاني صبي انا سميتةسعيد حمامي

في الشوارع وفي جوا المدارس

والله يا شعب م نهاب المتارس

ومن قنابلهم نزلت المدامع

دمعة ابطال مليانة شهامي

ركبوا الانذال في جوا الدبابه

وحي القصبه مليانه مخابي

ومن رام الله والقدس اجانا جوابي

ثورة يا شعب لا يوم القيامه

مظاهرات وشعبي احياها

في يوم الارض اشعلها وعلاها

والرصاصة في صدره اتلقاها

وحجار الوطن ع العدو سهامي

بعجال الكوشك سدينا الشوارع

بصدور عريانه والله بندافع

بنضرب احجار اقبال المدافع

عهد يا ثورة عيوننا م تنامي

بسام الشكعة يا رمز الحرية

صوت الاحرار م يهاب الدورية

قيدوا ايديه بكلبشه مهريّة

ما قدروا يصفوك مهما زرعوا الغامي

وكريم خلف الله يرحمه الله

صوت الاحرار انطلق من رام الله

قالهم كريم لا يا محتل بنرفض الذلية

يالله ي شعب م نهاب الصدامي

امها بتزغرت في عز الظهرية

ابشر يا شعب الك عندي هدية

هذي لينا بنت الثانوية

هذول لكلاب قتلوها قدامي

لا يا صهيوني شعبنا م انتهى

ما دام فينا تغريد ومنتهى

بالدبابة داسوها منتهى

اهلها واخوتها رفعوا لعلامي

صرنا احرار في اكبر مجموعة

وراية فلسطين في السما مرفوعة

وصرخة منتهى ما زالت مسموعة

اسمع يا عالم افعال الاجرامي

الارهابين مدارسنا اغلقوها

ونار القلوب ما قدروا يطفوها

والكهربا عنا قطعوها

في ظلام الليل يا محلا المنامي

سرنا يا ناس طلاب وعمالي

شيب وشباب ونسوان ابطالي

يا هذا الشعب يا رمز النضالي

مع اسرائيل لا ترضى سلامي

بارض جنين بالغازات سمونا

في الضفة والمثلث بالسجن دبونا

وعن الارض ما راح يبعدونا

احنا الثوار عيونا م تنامي

من رفح والله لا راس الناقوره

شعبي ياعالم والله كله نسوره

وبدم الشعب يا ثورة منصورة

ما بدنا انام ع ريش النعامي

في يوم الارض حققنا المطالب

تضامنا العامل مع الطالب

لاجل فلسطين بدنا نبقى نحارب

هيك يا ناس وصانا القسامي

لو طول السنة منعوا التجول

عن درب الثورة ما فش تحول

في جوا القلب الغضب استفحل

م نهاب الحرس والجيش النظامي

كلمات بريئه تعبر عن مدى الانتماء الحقيقي للارض والانسان الفلسطيني

كلمات تحمل طابع التعطش ليوم يبزغ فيه فجر وتحت لوائه حريه

دام تاريخ شعبنا نقش في سفوح جبال العلى وذكرى راسخه تدق اسمى

درجات المجد لتبقى خالده في نفوس وعقول الاجيال .

يسلموا اختي بنت البلد .

تقبلي مروري

وراية فلسطين في السما مرفوعة
ان شاء الله بنرفع راية الحرية عالقدس الشريف مشكورة اختي والى الامام

مشكورة اختي والى الامام