ماذا تفعل لو كنت رئيس الجمهوريه؟؟؟؟

تحكم اهلك و بنى جنسك
هتعمل ايه لناسك و شعبك
هتعمل ايه لدينك و عروبتك
تخيل انك رئيس اى دولة عربية
و لتكن جمهورية مصر العربية
او اى دولة عربية او اسلامية
المهم بقيت فى الاسرة الدولية
هتقدر تعمل ايه يا غلبان
هتقدر تشبع كل جعان
هتقدر تروى العطشان
هتقدر تكسى العريان
هتقدر تعالج التعبان
هتحل مشكلة الاسكان
تخيل نفسك رئيس او سلطان
هتقدر تعمل ايه للبلد
و للمشاكل اللى ملهاش عدد
هتقدر توظف كل عاطل
و تمنع كلام فى الباطل
هتقدر تحارب و تقاتل
و تبطل يا سيدى تماطل
هتقدر تحارب الفساد
و تخلينا لله عباد
و توفر لنا الزاد
هتقدر تعمل ايه
هتقدر توفر المؤنة
و ترفض اى معونة
اللى بها ذلونا
و احتقرونا و اهانونا
و بقوا بها بيحكمونا
ما ترد عليا يا سيدى
لو بقيت رئيس بلادى
هتحمينى من غير ما انادى
هتحبنى وتخطب ودادى
هتقدر تحقق لشعبك الخير
و تحاكم الوزير قبل الغفير
و لمصلحة شعبك تطير
و تعين اللى يعرف يدير
تخيل نفسك رئيس
هتقدر تعمل ايه تانى
استنى بس ثوانى
هتقدر تغير التعليم
و تخليه نظام سليم
و تمشيه فى طريق مستقيم
بجد و كفاح و تنظيم
هتقدر تخلى الدستور ثابت
اللى موادة مننا تابت
و مش عارفين له ثوابت
كل يوم يتغير والشعب ساكت
يا اخى الدستور لو من الرجاله
كان على طول قدّم الاستقالة
و قال الشغل معاكم محالة
انا افتح احسن محل بقالة
هتقدر تخلى فيه حرية
و تقوى الجيش و الحربية
وتصاحب الدول العربية
و تسيبك من الصداقة الاجنبية
هتقدر تخلى للمصرى قيمة فى كل مكان
فى امريكا واوروبا والصين واليابان
هتخليه يعيش زى اى انسان
لا يتذل و لايتسجن و لا يتهان
طيب لك فى المشاكل الدوليه
بلاش ديه... هتحل المشاكل العربية
ديه دول من زمان مستنية
واحد يشيل عنها القضية
ما تقولش عايزين صلاح الدين
هنجيبه الوقت منين ؟
و بعدين المسلمين مش قليلين
احنا كتير كتير بالملايين
بقى مفيش واحد من الف مليون ..!؟
له عقل راجح و موزون
اكيد فيه انا مش مجنون
هو مفيش غير حكامنا فى الكون
طيب لو بقيت رئيس دولة تانية
هتعمل ايه لو بقيت رئيس لبنان
او العراق او فلسطين او السودان
هتحل مشكلة سوريا ولبنان
او مشكلة دارفور فى السودان
هتخلص العراق من الامريكان
هتعمل ايه لو بقيت رئيس
يا صاحبى متزعلش منى
انا بفرض بس يعنى
لو بقيت رئيس فى زمنى
هتعمل ايه لوطنك و وطنى
سامحنى ولك سلامى
بس لسه مخلصش كلامى
انا كتيير اوى احلامى
بس نفسى تتحقق فى ايامى
نرجع و نقول تانى الجملة
]عاشت مصر حرة مستقلة

مواطن مصرى مطحووووووووووون

انشا الله بتتحقق كل احلامك خالتو نور
بس الله لا يسمح واني اصير رئيس لبلدي .. بتعرفي شو رح اعمل
رح استقيل عطول ههههههههه
لان مرضاة الناس غاية لا يمكن الوصول اليها
تسلمي حبيبتي على الطرح الرائع
مودتي لكي

نور

الكـــــــــــلام قبل المناصب شئ

وعند تسلم المنصب يختلف الوضع تماما

لذلك لا اعرف ماذا افعل

لانها مسئوليه شعب بأكمله

وقال الله تعالى

كلكم راعي وكل راعي مسؤول عن راعيته

فتخيل انك مسئول عن 90 مليون مصرى

هل تتحمل تلك المسئوليه والمحاسبه عنها

لا اتمنى ان اكون رئيس جمهوريه
تحياتى النقيب بحر

من الاعمال التى سوف تحظى بأهمية لدي هي :

اقامة مأوى للأيتام

تشجيع العقول على الابداع الفكري والعلمي عبر البرامج الدراسية المختلفة

تشجيع اجواء الحرية الفكرية في كل البلاد ، لأن هذه الاجواء هي الوحيدة الكفيلة للقضاء على الارهاب والتعصب

تشجيع التزاوج بين فئات المجتمع وقبائله المختلفة ، للمساهمة على توثيق اواصر القرابة بين الاعراق المختلفة فى البلاد والقضاء على التعصب الأثني .

اقامة الندوات الحوارية عبر وسائل الاعلام المختلفة بين علماء المذاهب لتوضيح الحقائق للمضللين

اقامة الجامعات القوية واستقدام افضل المدرسين والاداريين لهذه الجامعات والمدارس والاستفادة من بحوث هذه الجامعات لتطوير البلاد .

التركيز على تنمية التفكير العلمي للفرد في البلاد عبر احترام القيم الانسانية واحترام ممتلكات الآخرين .

وما ننسى المساجين المظلومين اللي رح افك اسرهم

شكرا على الطرح الرائع

والى الامام دوما

[ندعوك للتسجيل في المنتدى أو التعريف بنفسك لمعاينة هذه الصورة]

» ماذا تفعل لو كنت بالقدس الآن
» ماذا تفعل\ين عندما يبكي من تحب\ين
» ماذا تفعل اذا كان الصمت طبعك
» ماذا تفعل اذا كان الصمت طبعك ؟
» ماذا تفعل عندما تشتاق لأشخاص لم يعد لهم وجود في حياتك