أحب الراب أعشق الراب بس لما بكون عربي

شو يعني حصار؟!



منذ عامين وبلدنا تحت الحصار

شو؟ ما فهمتش!

بسيطة، رح اكولك باختصار

بلدنا سجن كبير، ملوش سكفيّة، اله جدار

المساحة: 360 كم2 – عدد السكان: مليون ونص! مش كتار!!ا

ما تسألنيش عن العملة، عن العاصمة، رجاءً بدون اصرار

الله يسعدك ما تحرجنيش يا زلمة ازا علم البلد الأصلي طاااار!!ا



طيّب كُلّي، تشيف الوضع؟ تشيف الأحوال؟

بطالة ما فش أشغال!

وينهم اصحاب رؤوس الأموال؟

الله بعلم بس اكيد بشتغلوا في الحلال!!!ا



اضراب معلمين... فش معاشات!!ا

تعليق طلاب.... فش محاضرات!!!ا



كل واخد ساكن هون... رخ يضل مخبوس هون...

هيك وصّانا شارون!!ا

جندي اسرائيلي يتحدث

المعابر مش رخ نفتخ .... لا بكرا ولا بعده ولا بعد الف يوم!!ا



المي مقطوعة... الكهربا مقطوعة... وخط التلفون مقطوع....

الله يقطعها من عيشة، بس الفواتير اللي عمرها ما بتنقطع...

يا الله يقطعها!!!ا



أبواب السجن مسكرة... المي اللي بتوصلنا معكرة!!ا

فش بضايع مستوردة تدخل... وصناعة محلية يدوبك عنّا

المحلات بتفضى...والمستودعات شو بتحمل...

احفر نفق... هرّب بضاعة... احسن حل لالنا!ا

بضاعة تهريب...أسواق سود...

الطلب عالي... استهلاك رهيب... والعرض محدود!!!ا

كل الأسعار عم تغلى... جرّة الغاز عم تفضى... والقهوة مش كاينة تغلى!!ا



بلّشت تفهم شو يعني حصار؟

منع تجول – ما في طلعة من الدار!ا

احمد ربك لسا عندك دار...

جارك بيته انقصف وطاار!!

والله مش هاين عليّ اسملّك بدنك

بس بدك تعرف... ممكن يستشهد ابنك!!ا



منقعد بالليل على ضو الشمعة

بدرّس ابني وبقلبي دمعة

خايف شي يوم يطلع عالمدرسة

يرجع شهيد ويموت حلم الهندسة



سمّيتلك بدنك غصبن عني... بس هاد تعريف بسيط للحصار

غلط غيري وسماها اتفاقيات سلام... في الواقع هيّ معاهدات دمار!

شاطرين في الشعارات "بناء دولة فلسطين مستقلة وعاصمتها القدس"

آآه ه ه مزبوووووط!!! يبقى موووووت يا حمااارر!!!ا



لسا بتسألني "كيف حالك"؟ شو بدك ياني اكولك!!ا

متسخّم وماكل (خرا) --- والوضع دايماً برجع لورا

بس عايش – منيح – كويس -- تمام

خد منّي وعد... بحلفلك بوطني... بمحمد ويسوع ....

رح اضلني فلسطيني وراسي مرفوووع!!!ا



حقوق النشر كمان محفوظة جداً لـ ميرنا سخلة!!

بتتذكر الوصية اللي بتقول:" لا تسرق"!!!ا

2009

واللهي حلو وبتعكس الوضع بشكل كامل وبدون اختصار
مشكور اخوي
ليلو