اخر موضوع لي في المنتدى واخترته يكون عن اعترافات قلب مجروح

الموضوع مفيش فيه اي نوع من الامل
لانه بيتكلم عن حالة موجوده في قلوب ناس كتير اوي
انا عارف ان الكلام ده يمكن يكون مش جديد
بس يمكن في ناس منكم حاسين بيه و مش لاقيين حد يقولوله عليه
وممكن ناس تانيه تقول ان ده رد فعل زياده عن اللزوم تجاه الحياة
بس دي اعترافات قلب
شاف كتير من الدنيا
ونفسه يتكلم و يقول اللي جواه.....
الناس بتقول ان اي قلب مجروح مع الزمن و الوقت بيتداوي و بيرجع زي ما كان
كأنه لسه قلب فاضي و جديد و لا شاف هم و لا شاف حزن
وانا مش قادرة اصدق الحكاية دي
لكن اللي اعرفه و متأكدة منه ان القلب المجروح
مهما عدت سنين عمره ما هايرجع تاني زي ما كان
جروح القلب كتير اوي
ومش لازم جرح القلب يكون من حب راح
لأ
جرح القلب و كسرته بتكون من الناس و من الحب و من الحياة كلها
احساس صعب اوي انك تبقي عايش بقلب مجروح
بتلاقي قلبك بيتقطع و انت واقف و مش قادر تعمل اي حاجه
عندك احاسيس كتير مش فاهمها و مش عارف مصدرها و مش عارف تهرب منها
احساس بالضعف
بالخوف
احساس بألم فظيع
ألم بيأن في قلبك ليل و نهار
قلبك بينزف
و بيتقطع قدام عنيك
و بيتوجع
وانت واقف مشلول مش عارف حتي تنقذ منه و لو جزء صغير
زي ما تكون محبوسة حاجه كبيرة اوي جواك
زي ماتكون متقيد بسلاسل عمرها ما هاتتشال من عليك
نفسك تصرخ
نفسك تتحرك في اي اتجاه تاني غير اللي انت ماشي فيه
نفسك تقول آااااااه
لكن الكلمة محبوسة في صدرك و مش قادر تطلعها
يااااااااه علي الحياة
ياااااه علي الناس اللي مش بتحس بيك
وعلي قسوة القلوب اللي حواليك
وحياتك اللي بتسوء يوم عن يوم
.............
وفجأة
ييجي أمل
ييجي حب
يلملم الجرح
ويداوي شوية بشوية
تبتدي تحس
تبتدي تحب
يبتدي قلبك يدق من جديد
تبدا جواك حياة جميلة و حلم صغير عاوز يرتوي بالحب علشان يكبر
وزي ما الحب جه فجأة بيروح برضو فجأة
وتلاقي قلبك بعد ما ابتدي انه يحس بالحياة
ابتدي يموت من اول و جديد
والالم اللي كان قلبك متعود عليه بقي افظع و اقوي
لانه ألم من قلب كان قرب يموت و عرف معني الامل
و فقد الامل ده حتي قبل ما يشوف ملامحه
تحس الحياة بتموت جواك
مع انك عارف انك عايش و كل الناس حواليك عايشين
بس لما تبص لنفسك في المراية
بتلاقي حطام انسان
بتلاقي جسد من غير روح
بتلاقي احلام متكسرة
بتشوف قلب بينزف و نزيفه شديد
والامل اللي كان ممكن يحيي قلبك من جديد
او حتي يلملم جراحه..... راح
راح الامل
راح الحب
راح الحلم اللي كنت لسه هاتبدأ تحلمه
راح الاحساس بالراحه اللي عيشته لأيام معدوده جوه سنين عمرك الطويلة اللي كلها ألم
وتبص علي الناس اللي حواليك
تلاقيهم عايشين
بيضحكوا
بيحبوا
بيحلموا
وأنت واقف مكانك
مش قادر تنقذ قلبك اللي بيموت
بيموت؟؟؟؟؟؟
لأ انا قلبي مش بيموت
ده قلبي خلاص مات
أيوة فعلا قلبي مات
فين دقات قلبي؟!!
فين احساسي بابسط الاشياء في الكون؟!!
مفيش
مفيش احساس بأي شيء
مفيش متعه
مفيش سعاده
مفيش احساس حتي بنبض قلبي.......
لكن في حاجه جديدة ابتديت اعملها
في ابتسامه
ابتديت ارسمها علي شفايفي
بخدع بيها غيري
علشان ماشوفش نظرة عطف في عينيهم
وبخدع بيها نفسي لما اشوف نفسي في المراية
وبخدع بيها روحي
علشان تفضل في جسمي عايش لغاية ما ييجي اوانها و تسيب الدنيا هي كمان
يمكن ساعتها ارتاح
يمكن في الموت راحه للألم اللي مالي حياتي كلها
يمكن؟؟!!!!!
انا خسرت احساسي وخسرت حبي و خسرت نظرة للحياة بعين سعيده
طيب هاعيش ازاي ؟
مش لو اصلا كنت عايش؟
هاقضي ايام و خلاص
بتعدي عليا ليلها زي نهارها
ألم و تعب و حسرة و ندم
يا ريت انا كنت زي باقي الناس
ادوس علي غيري برجلي و لا يهمني
يا ريت كنت يا قلبي قاسي
يا ريت كنت واحد تاني غير نفسي
في مكان غير المكان
في زمان غير الزمان
مع ناس غير الناس
يمكن كنت اقدر اعيش
يا ريت
يا ريت
يا ريت
................................
وبيفضل سؤال دايما جواك...
يا تري في قلب تاني ممكن يكون حاسس بنفس احساسي ده؟؟
والاجابة............................... مش موجوده
آسف ان الكلام ده حزين وكله تشاؤم بس ده كلام من قلب تقريبا فقد الاحساس بالحياة
دي حالة عشت فيها فترة من عمري و شفتها في عيون ناس تانيه كتير اوي
مش قادرين انهم يتكلموا و يعبروا عن اللي جواهم
بس للاسف لاني عشت اللي هما عايشينه بقيت بقدر اشوف حزنهم
في عيونهم و اقرا كل اللي جواهم من غير حتي ما يتكلموا....
وفي النهاية دي مجرد اعترافات لقلب مجروح
وده مجرد كلام نفس قلبي و قلب غيري يصرخ بيه
ويمكن مش قادرين نقوله و بنكتبه في ورق و نقطعه
وفي النهاية ده مجرد

اعترافات قلب مجروح

[ندعوك للتسجيل في المنتدى أو التعريف بنفسك لمعاينة هذا الرابط]

قربك عطر ودي من البعد أشمك

أخاف يبرد مابقى لـي بذكـراك

أبنثرك في عروق قلبـي وألمـك

وأحسسك بالحب في يوم لقيـاك

بحر الحنان
.........................
راائع ما بوحت بة كانت كلمات من القلب استوقفتني اتأملهااااا
لا ادري ما كل هذا اليأأأأس الذي ينتابك !!!
هناك اشياء في الحياةة تستحق ان نعيش من اجلهاا
هناك قلوب كالحصى لا تستحق ان تعطيها قطرةة حب واخلاص
وهناك قلوب كالجواهر تعطيها كل ما فيك وتقدم لها عمرك رخيصآآ لها
؟؟؟!!! من منااا تحقق لة الحب واعطاة مايريد
من منا انصفتة الحياة وقسمت لة ان يكون في احضان حبيبة!!! ؟؟؟
!!! حياتنا مثخنةةة بالجراح ومهما عاش الحزن والهم في اعماقنا لابد من لحظه فرح ...
في قلب كل شتاء ربيع نابض ووراء كل ليل فجر باسم. ...
إذا رأيت الجزء الأول من طريقك مليئا بالأشواك فلا تيأس فقد يكون سرابآآآ وسرعان ما يتلاشى كان اوهامآآآ ....
.....“لن ينكسر قاربـ الحياة على صخرة اليأس ما دام هنالك مجداف اسمه الأمل رغم كل الصعاب التي نعشها
..................................
كون متفائلا لن يكن لك الا ما قسمة الله لك من سعادةةة او تعاسةةة هذا شعاري بالحياةةة
ولاااا تنظر لأي مغامرة كانت .... لنهايتهاااا هازم او مهزوم!!!!
.........................................
لا امتلك الا ان اشكرك على رووعةةة طرحك
يشرفني اانني كنت هناا
................... بحر الحنان....
رغم انجرافك بجنون حبك الا انك راائع صدقآآآ
احييك من قلبي على ما تحملة من مشاعر صادقةةة
اعذرني على الأطالة
سلمت لنا وسلمت لي روحك النقية
..............................................
كل الاحترام والتقدير لك
kefah dahab

[ندعوك للتسجيل في المنتدى أو التعريف بنفسك لمعاينة هذه الصورة]

بحر الحنان

راقي بطرحك .. صادق بمشاعرك واشواقك

تمنياتي لك بكل ما هو جميل بحياتك وان تسعد ولا يكون للالم والحزن مكانا فيها

اخي هذه هي الحياه دائما نتمنى فيها الكثير

ولكن لا نرى الا ما قسمه الله لنا

فالننظر الى الدنيا بقلب متفائل ..فما اجمل لحظات السعاده بعد الحزن

فانتظر اشراقه شمس الغد فستجد فيها ما هو الخير

تحياتي لك ..ودمت بكل الخير

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذا الرابط]

» سكران يكتب موضوع في المنتدى
» موضوع: موضوع: أغرب و أجمل بحيرة في العالم ... سبحان الله
» ما اجمل ان يكون انسان فى قلبك و لكن الاجمل ان يكون فى انسان انت قلبه
» اعترافات جريئة
» موضوع: موضوع: احلى 50 نكتة فلسطينية