الفرن

موضوع: الفرن 10/01/12, 07:38 pm

الفرن
صورة تراثية محكية من ذاكرة القرية
بقلم : الداعي بالخير : صالح صلاح شبانة

[ندعوك للتسجيل في المنتدى أو التعريف بنفسك لمعاينة هذه الصورة]

ما في خبز يعلو على خبز الطابون ، هذا معروف ، بس لما الطابون رفع راياته البيض ،
واندحر بفعل الزمن وغار
وللزمن حسابات بتفرض حالها ، غصب عن عواطفنا ، وبتندحر شغلات بنحبها ،
بتطلع من قلوبنا وبتنحرق بالنار
بقى الطابون سيد القريه,منها خبزته,ومنها طبخته,ومنها في السقعه قعدته،
ومنها المطبخ والمصطبه والدار
وبعدين بقى ما في بُدْ من مصدر جديد ، من مخبز عن عشرين ثلاثين طابون وتزيد ،
بمصروف رخيص وانجاز جبّار
واخترعوا الفرن ، أبو بيت النار ، وشغلوه في الأول عَ الحطب ، وبعدين لقوا مصدر أرخص
وأوفر ، الزيت المحروق وزيت القار
أو أثقل شويه ، ومن ها لزيت المحروق ، اللي دخنته بتبقى عابقه من راس الداخون ،
تلف الراس وتلوث هوا الديار
وبعدين اشتغل عَ السولار ، حامي وأنظف شويه ،وأأمن لرغيف الخبز وللإنسان من لِمخبّا ،
ولِمخبّا بندوق ومكار
***
قبل الفرن بقى الطابون ، وبقت ست الدار وتحمل باطية العجين ع َراسها ،
وعرام طحين للتقريص ، ورَقّ الرِغفه الكبار
بقى الطابون يحتمل طرحه,طرحتين,ثلاثه ....وبعدين؟؟، وبعدين يبرد ،
وصعب بعد ما يبرد يقوم للرغيف قرار
ودخل الفرن ،فرن بيت النار ، وصارت الست اتقرِّص العجين ، وتحطه عَ الفرش امقرَّص
وحفنة طحين وتحضره للمشوار
وما صار ضروري تعْرُم حالها وتحمله عَ راسها ، وتروح عَ الفرن بحالها وجلالها ،
وصار بإمكانها تبعثه مع اولادها الزغار
وتصطف لِفروش عَ رفوف الخشب بالدور و عَ النظام ، وتلاقي الفرَّان وأجيره ،
نازلين في رَّقْ وخبز العجين ابهمه وإصرار
الأجير يرُُّق والفران يرمي جوه بيت النار ، وعنده علبه مصديه فاضيه عليها نقش ،
يختم الرغيف فيها ولا ختم المختار
ولاَّ ينزل فيها تغزغز بأصابعه مثل الدرج وبالعاده بسألك :
بدك رغيفك بنقشه ولاَّ بدرج يا جار
***
بقى الفرن بسيط ، غرفه مقسومه نصين ، نص مبني فيه بيت النار ،
من الحجر الأحمر المشوي المقوم للنار
وبابه بالكاد طول عرضه متر ، وارتفاعه أقل من متر ، مبلط ، نصه للخبز ،
ونصه موقد لحرق الحطب ولِجمار
وقدّامه زانتين خشب ، لوح خشب مستطيل ، بإيد طويله ،
طولها تقولوا مترين ثلاث امتار
يحط عليها الرغيف المرقوق ، لِمدَّرج ولاَّ المنقوش ، وبرميه جوه بيت النار ،
اللي بقدح حَمّ وشرار
ويتناول رغيف ثاني وثالث ورابع ، والعجنه بحالها ومالها طرحه وحده ،
في خمس عشر دقايق تجهز للدار
وتلِمّها صاحبتها ، ولاَّ إبنها ولاَّ بنتها ، وتنحط في الفرش ، وتتغطى بخرقة قماش ،
وقبل ما تحمل فرشها تدفع للفرَّان الإيجار
أكم من قرش ، حسب السعر السائد ، ويوم من السبوع رغيف أسبوعيه ، وبقايا الطحين
اللي رق فيهن تا لرغيف صار
***
بقى الفرن مدهش أول ما حل عَ القريه ، أي نعم خبزه ما بضاهي خبز الطابون ،
حتى ولو حط فيه رضف وحجار
بس مش كل عيله عندها طابون ، ولا كل عيله بتقدر تقوم بطابون ،
الطابون بالوعة زبل والزبل مش وفار
أما الفرن مش بحاجه يظل مولع عَ مدار الساعه مثل الطابون ،اللي حرق الزبل فيه ،
مل بتوقف ليل ولا نهار
بكفي قبل الخبز بساعه ، وما بروح الحطب ولاَّ لِوقود فيه خساره ، وبقدر ......
يخدم كل أهل البلد من غير أعذار
والله الطابون يا جارتنا برد !! وخبزاتها يظلن معجنات ، لا يا عمي ، الفرن غير شكل ،
كل واحد بوخذ خبزته عَ داير مندار
اللي بدفع فلوسه ، بنت السلطان عروسه ،وخبزك مثل خبزها ،
بوخذ حقه من النضج ولِستقرار
بقى الفرن اللي اتطور كثير كثير ، بعد ما انسحب من الحياه نموذج ،
مطوّر بعد مل عجز الطابون عن الإستمرار

شكرا لتواجدك زائر نورت الصفحة

[ندعوك للتسجيل في المنتدى أو التعريف بنفسك لمعاينة هذه الصورة]

فلسطين : اذا أحبك مليار مسلم فأنــــــا منهــم 00

وان أحبك شخص واحد فهو أنــــــــــا 00

وان لم يحبك أحد فاعلمي أننى قد مت 00

[ندعوك للتسجيل في المنتدى أو التعريف بنفسك لمعاينة هذا الرابط]

موضوع: رد: الفرن 12/01/12, 11:01 am

يرحم ايام خبز الطابون والترويسه على مين
يسلموا يا ابو مهران

[ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: الفرن 12/01/12, 01:48 pm

الله ماا احلاها
ايام راحت علينا

بس والله لهسا بمووت عليه خبز طابون بشهي

يعطيك الف عااافية

المينا ب يــــــــــــافا مشتاقلي
سوارك عكا تشهدلي
جبال الكرمل تندهلي عودي يـــــــــــــــــــــا أغلى حبيـــــــــــــب
[ندعوك للتسجيل في المنتدى أو التعريف بنفسك لمعاينة هذه الصورة]

» نكت من الفرن
» نكته جديدة من الفرن
» نكت طازة هسا اطلعتها من الفرن ههاهاهاهاهاهاهاهههههههاي
» نكت طازه من الفرن انتو اول ناس لسه يلا عيشو ههههه