فضحو حالن .........نكته لبنانية

مرة واحد كان ماشي بهالشارع وداس على قشرة موزة .. وراح فيها زق مرتب على ايده ..

فصار كوعه يوجعه .. راح لأقرب دكتور .. ولما دخل العيادة .. الممرضة قالت له .. عايزين عينة من البول ..

هو استغرب وقال .. معقول .. شو دخل هي بهي ؟؟ .. مشان شو يعني ؟ .. أنا كوعي مخلوع .

الممرضة قالت : تسطفل .. هادا النظام .. اذا في عينة .. ممكن تدخل للدكتور ..

ما في عينة.. ما في دكتور ..

الزلمة ضرب اخماس بأسداس وانحرق حريشه .. وسلم امره لله .. وقال .. خلص مافي مشكلة ..

وبعد شوي طلع الدكتور مبتسم وقال : واضح انه الضربة قوية ..بس اطمن .. كوعك سليم مو مخلوع

المريض اتعقد .. وقال : طيب من وين عرفت انه كوعي هو اللي عم يوجعني ؟؟ أكيد الممرضة قالتلك..

الدكتور: لا أبدا .. تحليل العينة هو اللي بين كل شي .. أنا عندي جهاز جديد

لتحليل البول بالكمبيوتر .. بينعرف منه كل شي عن حالتك الصحية .. خود هلأ هالمرهم ادهن منه .. وبعد اسبوع راجعني .. ولا تنسى تجيب عينة جديدة معك ..

هادا راح عالبيت محروق حريشه عالآخر .. وضاربه فيوزاته .. وحكى للعيلة عن اللي صار .. وقعدوا يضحكوا على نصب الدكاترة هالأيام .. قال شو .. تحليل بول بالكمبيوتر .. شوف على هالسلبة .. شوف ..

بعد اسبوع كوعه خف تمام .. وقرر يروح للدكتور ... بس ابنه اقترح عليه يعمل مقلب بهالدكتور مشان يكشف احتياله ونصبه.. حاجته يسلبها على خلق الله .. من وين جايب هالنهفة ..

قام الابن اخد عينة من بوله على عينه من اخته على عينة ابوه وحط عليهم شوية من زيت السيارة وقال خلينا نشوف هالنصاب شو بدو يقول .

اخد الاب هالخلطة العجيبة وراح للدكتور ووقت دخل عطاها للممرضة .. وقعد ينتظر .. وبعد شي نص ساعة طلع الدكتور عرقان وماسك ورقة طويلة (نتيجة التحليل) ..

قام سأله بطريقة ساخرة .. ها ها .. شو لقيت يادكتور بالتحليل ؟؟

الدكتور : شوف .. هو واضح انه كوعك صار تمام .. بس في شوية نتائج غريبة ..

ابنك مدمن هيرويين ..

وبنتك حامل ..

ومحرك سيارتك لازمله تبديل جوان الكولاس

شكرا لتواجدك زائر نورت الصفحة

[ندعوك للتسجيل في المنتدى أو التعريف بنفسك لمعاينة هذه الصورة]

فلسطين : اذا أحبك مليار مسلم فأنــــــا منهــم 00

وان أحبك شخص واحد فهو أنــــــــــا 00

وان لم يحبك أحد فاعلمي أننى قد مت 00

[ندعوك للتسجيل في المنتدى أو التعريف بنفسك لمعاينة هذا الرابط]

هههههههههههههههههههههه حلوه بس نعرفهاهههههههههه
تسلم القدس انتبه سيارته بدها جلن زيت وتبديل جلد
يعطيك العافيه .

[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذا الرابط]

ههههههههههه مشكور ابو مهران حلوة بس اجريها ارفاع

حلوه والله منتا كليل يا حج داهيه من يومك

هههههههههههههههههههههههه مشكور ابو مهران ههههههه

center]]
[ندعوك للتسجيل في المنتدى أو التعريف بنفسك لمعاينة هذا الرابط][/center]

» اكلات لبنانية
» نكته غيييييييييييييييير
» اكلات لبنانية
» اكلات لبنانية
» نكته وحده وبس