الطلاق

ابغض الحلال عند اللة الطلاق
مشكورة امواج على الموضوع لنو يناقش ضاهرة تزايدة بالفترة الاخيرة في مجتمعاتنا العربية والاسلامية
السبب الرئيسي في الطلاق هو عدم التفاهم بين الزوجين او الاختلاف على شيء معين في حياتهم
وللاسف المتضرر الوحيد هو الاطفال لهاذة السبب انا باقطرح انو الزوجين اتكون عندهم فترة خطوبة وتعارف قبل الزواج لتفهم بعضهم بعض
وانهم بعد الزواج ياخرو فكرة الخلفة اشوي مش على طول بعد الزواج ابسنة بيكون عندو اطفال
مشكورة امواج على الموضوع

مشكوره على الموضع حبيبة قلبي
ما بعرف لاني من هادي الفئه الي بتتكلمي عنها بحس انه وصفك قااسي
رغم انه الموضووع قاسي جدا كتجربه على الاولاد وعلى الاشخاص نفسهم
بس اوقاات رحمه للاطفال بكون الانفصال
بعطيكي مثل عن طفل عايش بجو نكد وصراخ وضرب واهانات من الاب للام
طفل بيكره ابوه لانه بشوفه بكسر البيت فوق راسهم
طفل ما بنام خوفا انه ابوه يرجع ويضرب امه وياذيها
وطفل ما بنام خوفا انه والده يدخل عليه ياذيه
اعطيني انتي حل لمشكلة طفل من هدا نوع تكون غير انه الام تحمي ابنها
وتترك البيت
ومشكوره اختي وتقبلي مروري

ان فاهمه قصدك حبيبتي
ايه هدا لانه في اهالي ما بتفكر الا بحالها
واغلب الوقت بكونو الرجال
بدو ينتقم من الزوجه فبيختار اكتر شي ممكن ياذيها وهم اولادها
وانا معك الي بلعب بالاولاد بهيك مساائل لمصلحته الشخصيه هو مو انسان اصلا
مو بس انه ما في بقلبه رحمه او مجرد من الرحمه
بس التعميم لامس القهر والوجع الي جواتي على بنتي لاني اضطريت اخذ هيك قرار
وصدقيني لو بنفع اعطيها روحي حتى تكون مبسوطه وسعيده ما بتاخر وانا متاكده انه امهات كتير بنفس الموقف الي انا فيه وبحملو نفس الذنب الي انا حاملاه
بس للضروره احكام
تقبلي مروري