ضيفتنا العشرون على كرسي الاعتراف غزت قلوب الجميع (زهرة جبل الكرمل )

السلام عليكم
اول شي حاابة اباركلك يا خالتي
الف الف مبرووك
ويلا فرجينا همتك
و حبيت اجبلك الكرسي عشان ترتاحي عليه
يلا كيفي



[ندعوك للتسجيل في المنتدى أو التعريف بنفسك لمعاينة هذه الصورة]

احم اااحم

1 - خالتي زهرة احكيلي عنك يعني عرفيني عليكي ااكتر ؟؟


2- من خلال قراتي للموااضيع قرأت انه صار معاكي حادث انتي واولادك احكيلي كيف صار ؟؟


3 - كم عندك اولاد وبنات وشو اسماءهم ؟؟؟

4 _ بتحكي عن المنتدى بحياتك العاادية ؟؟

) وشو بتحكي عني هههه؟؟


5 - شو اليوم تغديتي او شو طبختي ؟؟


6_ اغنية بتحبيها كتيرررر ؟؟

7 _ اعطيني اسم شخص نفسك تخبطي كف وتهريلوا سنانه ؟؟


8 _ مكان نفسك تعيشي فيه غير موقعك الحالي ؟؟؟


9 _ من يسكن قلبك ؟؟؟


10 - اشي عملتي واندمتي عليه ؟؟؟


خلص اليوم بكفي برجعلك لا تخافي

الغاليه ,, دوله جنين

العزيزه ,,كفاح دهب

اشكركم على الترحيب الجميل
اشكرك كفاح للمباركه الذي لا احسد عليها هههههههه

حبيبتي دودو هيك ما رح اقوم عن الكنبه شكلها مريحه كتيررررررررر

ولي عوده لاجيب على اسئلتك

اهلا وسهلا بكي على الكرسي
الله ايعينك على حملك

يلا اسئلة جديدة يا خاالتي

1) احكيلي عن هاي الاشياء يعني اي شي بخطر بالك احكي عنهم

- الحرية
- الغدر
- محافظة جنين
- احد بناتك او ولادك
- احد من الاعضااء



2) في سؤال محيرني شو اسم ابن عم سيدك ؟؟؟ ههههه بس لازم تجاوبي




3) شو ارووع شي صار بحيااتك ؟؟



4) لو كان العالم بسمعك حاليا شو بتحكيلوا ؟؟؟؟



5) لو كان العالم كله ضدك هل تقبلي التحدي؟؟



خلص اليوم بكفي

ارجعتلك يا خاالتي

1 ) شيء بتتمنى انه ما يصير ابداا ؟؟؟

2 ) انا نفسي اشوفك يا خالتي هل انت بتبادليني نفس الاشي بصراحة ؟؟


3 ) بدي اعطيكي القاب وانتي اطلقيها على الي بدك اياه

- العضو المحبوب

- عضو بتحكيلوا زهقتني


4 ) شو رأيك بالعضو

- فلسطيني وافتخر


- خالتي االم

- دولة جنين

- القائد


5) افضل شهـر بالسنه والسبب ؟


6) وافضل يوم بالاسبوع والسبب ؟؟


7) عضو عاجبتك صورته الشخصيه وتوقيعه ؟


-عضو داخل مزاجك ... ؟؟


9) عضو نفسك تغير اسمه ... ؟

10 ) عضو نفسك تقول له ( برافو عليك ) ... ؟

11) عضو بدك تهديه بيت شعر ايش هو بيت الشعر ؟

12 )كـلمـــة تمنيـــــت ان تسـتطيـــع سحـبهــــا؟!؟

13 ) آخـــر شخـــص تتـــذكــــره قبـــل أن تنـــــام؟!؟



خالتي زهرة مش تزعلي مني
بس انا حاابة كتير اعرف عنك
وسامحيني يعني اذا في سأله مش بمحلها

شكلهم ناوينلك على نيه سوده
ههههههههههههههههههه
وانا لسه ما اجا دوري بدي اباركلك على الكرسي وجبتلك هيم نفس ارجيله مع عصير افرش
[ندعوك للتسجيل في المنتدى أو التعريف بنفسك لمعاينة هذه الصورة]



وراجعلك باكم من سوال

[ندعوك للتسجيل في المنتدى أو التعريف بنفسك لمعاينة هذه الصورة]

هي انا جبت الطااولة لخالتي زهرة عشان ترتاح عليها

الأخت الفاضلة زهرة جبل الكرمل
عانقت جدران منتدانا عطر تربعك وجلوسك ..... وتزينت
مساحاته بأعذب عبارات الود والترحيب التي لم يسبق لها مثيل
ومشاعر الأخوة والإخلاص .....كفوفنا ممدودة لكفك لنخضبها جميعا
بالتكاتف في سبيل زرع بذور الأخلاقيات الراقية التي سنجنيها سويا
بعون الله ستكون ثمرا صالحا ونتشارك كأسرة واحدة لتثقيف بعضنا بعضا
في كل المجالات
أتمنى لك التوفيق وطول البال وكما أرى أن الجميع
يحمل جعبة مليئة من الأسئلة ...وأنا واحد منهم بالطبع
ولي عودة .......تحياتي

السلام عليكم ,,دوله جنين وعدتك ارجع المسا
ورح ابدا بسم الله الرحمن الرحيم


احم اااحم


هلا حبيبت قلبي دودو الغاليه تفضلي الباب مفتوح هههههه

1 - خالتي زهرة احكيلي عنك يعني عرفيني عليكي ااكتر ؟؟

الاسم ,,ام عبد الرحمن ,,, انسانه بسيطه جدا متسامحه
احب الخير للجميع


2- من خلال قراتي للموااضيع قرأت انه صار معاكي حادث انتي واولادك احكيلي كيف صار ؟؟

[color=red]ما فهمت خالتو حادث اي حادث تقصدي ؟؟؟ لا ابدا حبيبتي والحمد الله [/
color]

3 - كم عندك اولاد وبنات وشو اسماءهم ؟؟؟

عندي 3 ابناء ولدين وبنت !!!

4 _ بتحكي عن المنتدى بحياتك العاادية ؟؟

ايوه والله بحكي

) وشو بتحكي عني هههه؟؟

بقول في بنت شقيه كتير وحبابه وطيوبه ومفكره حالها صبيه

وعم تنافسنا احنا الكبار هههههه


5 - شو اليوم تغديتي او شو طبختي ؟؟

والله اليوم طبخت طبخه ولاول مره بحياتي اطبخها لاني ما بحبها
طبخه اسمها كرش محشي برز وصنوبر ولحم بس انا تغديت اكل من مبارح طابختو

محشي كوسا بلبن هههههههه


6_ اغنية بتحبيها كتيرررر ؟؟

[color=red]سلملي عليه ,, لفيروز[/
color]

7 _ اعطيني اسم شخص نفسك تخبطي كف وتهريلوا سنانه ؟؟

ما بحب العنف ولا تمنيت اضرب حدا


8 _ مكان نفسك تعيشي فيه غير موقعك الحالي ؟؟؟

اختار نفس المكان الذي اعيش فيه


9 _ من يسكن قلبك ؟؟؟

يسكن قلبي حبيبي ورفيق دربي وابو ولادي


10 - اشي عملتي واندمتي عليه ؟؟؟

مره ضربت بنتي وما كانت مذنبه بسبب قريبه الها


خلص اليوم بكفي برجعلك لا تخافي :

ولا يهمك حبيبتي بتنوره دائما

فلسطيني وافتخر كتب:

شكلهم ناوينلك على نيه سوده
ههههههههههههههههههه
وانا لسه ما اجا دوري بدي اباركلك على الكرسي وجبتلك هيم نفس ارجيله مع عصير افرش
[ندعوك للتسجيل في المنتدى أو التعريف بنفسك لمعاينة هذه الصورة]



وراجعلك باكم من سوال

هههههههههههههه

والله يا جاري بدها الشغله بس كيف رح اتعود عليها هاي

بدها نفس قوي وجارتك نفسها رايح هههههههه

يسعدك ربي ولك جزيل الشكر لمرورك [center]

يلا اسئلة جديدة يا خاالتي

ولا يهمك حبيبتي ,,,,,,,اهلا وسهلا فيكي مره ثانيه

1) احكيلي عن هاي الاشياء يعني اي شي بخطر بالك احكي عنهم

- الحرية ,,,اتخاذ القرارات السليمه دون قيود
- الغدر,,,سهم قاتل
- محافظة جنين,,اول مدينه بعد الحدود الفلسطينيه لحيفا نحبها كثيرا
- احد بناتك او ولادك,,ابني الصغير مدلل صغير البيت وتنمرد علينا بطلباته هههه

- احد من الاعضااء,,,الم فلسطين صديقتي العزيزه وكنت عندها زياره وعملتلنا غدى مسخن هههههه



2) في سؤال محيرني شو اسم ابن عم سيدك ؟؟؟ ههههه بس لازم تجاوبي


بالصدفه بعرف يا دودو اسمو محمد ,,,,,,

3) شو ارووع شي صار بحيااتك ؟؟

اشياء كتيره رائعه بحياتي حبيبتي والحمد الله
بحمد الله وبشكرو عليها




4) لو كان العالم بسمعك حاليا شو بتحكيلوا ؟؟؟؟

بكفي حروب ,,,بكفي ظلم



5) لو كان العالم كله ضدك هل تقبلي التحدي؟؟

انا بطبعي احب التحدي ويا ريت استطيع الصمود !!!! بالتحدي امام العالم كله لما اريد



خلص اليوم بكفي

ألم فلسطين كتب:

الف مبروووووك صديقتي الغاليه علكرسي ..بس اوعي تقبلي كرسي بدون طاوله قدامها
اطلبي من الاداره طاوله ضروري عشان اتحطي هذا الورد عليها بعرفك بتحبي الورد كثير
وعشان وانتي اتجاوبي تكون نفسيتك مرتاحه وتتذكريني ..

[ندعوك للتسجيل في المنتدى أو التعريف بنفسك لمعاينة هذه الصورة]

بعدين جبتلك شوية بيتي فور مع فنجانين قهوه عشان لما اتجوعي ما في داعي اتروحي للمطبخ ههههههههههههههههههههههه يمكن بيوم احب اسهر معاكي بشرب الفنجان الثاني



[ندعوك للتسجيل في المنتدى أو التعريف بنفسك لمعاينة هذه الصورة]

الف مبروك يا غاليه
وربنا معاكي

هههههههههههههههه الله يسعدك حبيبتي كلك زووووووووء

دايما وبعرفك كبيره واجب ويسلمووووووو عالورد والله اني بعشق الورد [center]

ploplo77 كتب:

الأخت الفاضلة زهرة جبل الكرمل
عانقت جدران منتدانا عطر تربعك وجلوسك ..... وتزينت
مساحاته بأعذب عبارات الود والترحيب التي لم يسبق لها مثيل
ومشاعر الأخوة والإخلاص .....كفوفنا ممدودة لكفك لنخضبها جميعا
بالتكاتف في سبيل زرع بذور الأخلاقيات الراقية التي سنجنيها سويا
بعون الله ستكون ثمرا صالحا ونتشارك كأسرة واحدة لتثقيف بعضنا بعضا
في كل المجالات
أتمنى لك التوفيق وطول البال وكما أرى أن الجميع
يحمل جعبة مليئة من الأسئلة ...وأنا واحد منهم بالطبع
ولي عودة .......تحياتي

الاخ الفاضل ,,ploplo77

اشكرك لمرورك الكريم وكلماتك الرائعه التي تدل على طيبك ورقيك
استاذنا الفاضل لك تقديري واحترامي دائما
ونورت صفحتي بطلتك الكريمه وبتنور دائما بوجودك الغالي ,,,,,,[center]

[quote="nuha"]color=red]ست الكل ,,الغاليه نهى

اسعدني تواجدك وترحيبك الزووووووء متلك

رااااااااااااائعه دائما وبدون مجامله ,,,

لك احترامي وشكري لباقه الزهور الرائعه كروعتك

احترامي نهى بانتظار عودتك

ارجعتلك يا خاالتي

هلا فيكي حبيبتي دائما بتنوري

1 ) شيء بتتمنى انه ما يصير ابداا ؟؟؟

ما يصير حروبات ,,,,

2 ) انا نفسي اشوفك يا خالتي هل انت بتبادليني نفس الاشي بصراحة ؟؟


اكيييييييييييييد حبيبتي واتذكري اني طلبت منك هالطلب لاني فكرتك عايشه بجنين

وانا عم اسافر لجنين كتير للتسوق فحبيت اتعرف على هالبنت الشقيه وخفيفه الدم ,,,,,,


3 ) بدي اعطيكي القاب وانتي اطلقيها على الي بدك اياه

- العضو المحبوب,,,,,دوله جنين

- عضو بتحكيلوا زهقتني,,,,,كمان دوله جنين


4 ) شو رأيك بالعضو

- فلسطيني وافتخر,,,,خفه دم واحلااااااااا جار من بعيد بس


- خالتي االم,,,,, طيبه وحنونه ووووووهي بتعرف الباقي هههه

- دولة جنين,,,,الطفله الراااااااائعه والشقيه والجريئه



- القائد,,,,,رب اخ لم تلده امك ,,هذا هو القائد بالنسبه الي بس حارمني من الميراث


5) افضل شهـر بالسنه والسبب ؟

شهر 5 تزوج والدي بهذا الشهر ,, وولدت بنفس الشهر بالسنه التانيه


6) وافضل يوم بالاسبوع والسبب ؟؟

كل ايام الاسبوع حلوه لكن يوم السبت بكوناحلا بلمه العائله لانه يوم العطله عند الجميع


7) عضو عاجبتك صورته الشخصيه وتوقيعه ؟

توقيع,,القدس .ابو مهران

صوره شخصيه ,,صورتي الحاليه للطفله


Cool -عضو داخل مزاجك ... ؟؟

الجميع بدون استثناء لكل واحد معزه خاصه ,,,


9) عضو نفسك تغير اسمه ... ؟

الم فلسطين

10 ) عضو نفسك تقول له ( برافو عليك ) ... ؟

شبل الاقصى بمناسبه نجاحه بالمدرسه ,,,,,,براااااافو شبل ما شاء الله عنك مجموع عالي الله يوفقك خالتو

11) عضو بدك تهديه بيت شعر ايش هو بيت الشعر ؟

للجميع اقول

فما كل من تهواه يهواك قلبــــه ولا كل من صافيته لك قد صفا
إذا لم يكن صفو الوداد طبيعـــة فلا خير في خل يجيء تكلـفــــا
سلام على الدنيا إذا لم يكن بها صديق صادق الوعد منصـفـــا




12 )كـلمـــة تمنيـــــت ان تسـتطيـــع سحـبهــــا؟!؟

كلمه ,,اكرهك

13 ) آخـــر شخـــص تتـــذكــــره قبـــل أن تنـــــام؟!؟

ابني الغالي ,,بدعيله بالتوفيق والنجاح لانه بعيد عني في الغربه



خالتي زهرة مش تزعلي مني
بس انا حاابة كتير اعرف عنك
وسامحيني يعني اذا في سأله مش بمحلها

ولا يهمك حبيبتي اهلا وسهلا فيكي بتنوري دائما
يا رب اكون وفقت باجوبتي على اسالتك الحلوه متلك

بسم الله ابدا مع الغاليه لينــــــــــا

خالتي زهرة اهلا وسهلا فيكي على كرسي الاعتراف وان شالله يكون مريح هههههههههه

و خذيلك اكم من سؤال هيك عالطاير اتسلي فيهم لحد ما احضرلك سؤال مرتب على كيفك ههههههههههه


غاليتي لينا اهلا وسهلا فيكي بصفحتي شرفني حضورك خالتو ,,

1ـ لمـن تهـدي ثقتـك..؟؟

لكل من يستحق الثقه و يبادلني الوفاء والصدق والحفاظ على العهد



2ـ هـل تغفـري لمـن يكـذب عليـكي..؟؟


ليس بسهوله ,,ولكن نحن بشر نخطئ ونصيب والله غفور رحيم فما بالك انا !!!!!!!


3ـ انـتي قـوية اذا مـن الشخـص الـذي تضعـفين امامـه..؟؟


الغاليه والتي احبها من كل قلبي ,,امي,,


4ـ مـن اكثـر شخـص يخـاف عليـكي

كل انسان يحبني ويقدرني يخاف عليه

ـ و اكثـر شخـص تخـافين منـه..؟؟

الكاذب والمنافق ,,,,


5- سر لاول مره تقوليه لنا؟؟


احبككككككككككم جميعا بالله

اتمنى يا خالتي ان تتقبلي هذه الاسئله بصدر واسع

معلش يا خالتي هذه الاسئلة و انا مش مفطرة لسة

ولا يهمك حبيبتي افطري واتعشي وارجعي تحلي عنا ببيت عنان هههه

نورتي يا عسل,,,,,,,

مرحبا بكي أختي الفاضلة .... مرحبا بنسيم هبات بحر حيفا .. مرحبا بكي بعدد موجاته......

مع كامل احترامي

أبو ريان

kefah dahab


السلام عليكم كيفك زهرة انشالله مرتاحة على الكرسي واامورك تمام
اجيتك بكم سوأل وبتمنى زيارتي تكون غير مثقلةةة عليكي
.......


وعليكم السلام ورحمه الله اهلا وسهلا كفاح الغاليه على قلوب الجميع منوره حبيبتي

وجيتك غاليه وعزيزه وانت خفيفه بروحك وطلتك لانك غاليه ,,,,,,,


1-ما هي نقطةةة ضعف زهرةةةة

حبي لاولادي


2-هل انت راضيةةةة عن نفسك؟


الحمد الله


3-هل هزمك الحزن او خيبة الامل في يوم من
الايام؟

ابدا لاني ؤومن بالقدر


4-ما هي سلبياتك وايجابياتك ؟

سلبياتي ,,يقولون بانني عنيده ,,واحيانا متسرعه واذا عصبت ما بعرف اتصرف منيح

5-حياتك في كلمات قليله؟

حياه هادئه بسيطه اعيشها بفرح وسعاده مع اسرتي

6-هل تعتقدين انك محظوظة ... ام الحظ ليس في صفك ؟

الحمد الله محظوظه جدا بكل شيء وهاذا من فضل الله


7- هل انت مدمنةةة تفكير؟ ام لا تتعبين نفسك بكل صغيرة وكبيرةةة؟


التفكير شي طبيعي للام وربه الاسره فانا دائمه التفكير بهم وبمستقبلهم

ولكن بالشكل المعقول لا اسميه ادمان

8-ماهو الشئ الذي تتمناه ولم يتحقق حتى هذة اللحظةةة؟

اتمنى من الله ان تتحرر البلاد,,,, وان ينهو اولادي تعليمهم الجامعي بنجاح ويتحقق احلامهن

9- هل تخافين من تقدم العمر ام لا تأبهين لذلك ؟

هههههههه ما بفكر بهالشي لانني اشعر بانني لا زلت شابه ولانه امر طبيعي نتقدم بالعمر

10-عندما تهمين بأتخاذ قرار حاسم كيف تتخذيةة؟؟ بمعنى تستشيري أم تستخيري أم تحكمي قلبك أو عقلك أم .....؟؟؟

بصراحه يا كفاح انا انسانه صعب اتخذ قرارات حاسمه لانني غالبا ما احكم بقلبي

وقليل ما احكم عقلي وقلبي

11-ما هو افضل مكان تحبي ان تقضي وقتك فية ؟؟؟ ولماذا ؟

بيتي ,, لانه مملكتي الذي اعيش فيها مع اغلا واحب الناس لقلبي



12-عندما تتعب نفسيتك وتحسين بالحزن و الأحباط لمن تلجئين عادتآآآ؟؟



‏13-لو رجع بك الزمان للوراء ما الشيء الذي تتمني تغيرةة-تمسيحه-تصليحه-مش ح تكرر نفس الخطأ

كنت اتمنى ان انهي تعليمي الجامعي ولكن !!!! يا ريت يرجع الزمن

‏14-بنسبة للزهرة تعتبر النت ايجابية اما سلبية برأيك ... وكم ساعه تجلسي بقضاء الوقت للتصفحةةة يوميآآآ ؟؟

النت له ايجابياته وله سلبياته ليس لي فقط ولكن للجميع حسب استعماله

اما لمده الجلوس لا احسبها الا انني اتواجد خلال اليوم لانني ما بطلع من البيت يعني كل وقت اكون فاضيه فيه

15-هل تحكمي على الأمور بقلبك أم بعقلك في اغلب الأحيان ؟؟( عقلانية ام عاطفية )


بصراحه غالبا ما احكم بقلبي والعاطفه تغلب العقل عندي ,,

16- هل هناك نوع من الكتب أو المجلات التي تستهوي زهرة في قرأأتها والتي تنال اعجابهااا ؟؟

لا ابدا ما بخصص يعني ساعات تلاقيني اقرا كتب سياسيه واحيانا علميه واحيانا قصه رومانسيه !!!!!!!بحب التنويع


17-ماهي مؤهلاتك العلمية ...؟

تعلمت حتى المرحله الثانويه ,,توجيهي يعني

وبعض الدورات التعليميه والصناعيه متل تعليم الخياطه وشغل الصوف

للعمل الذاتي

وتربيه حضانات ولكن لم اعمل بها

احسك انسانةةة مثقفة وانتقائك رائع دوومآآآ يعجبني زهرة منتدانا الغاليةةة

احساس نابع من انسانه ذواقه وذوقها يقارب فكري وذوقي شكرا لكي

18- كلمة تقوليها من هنااا لأعضاء منتدى بيت عنان ولمدير المنتدى الغالي (( ابو مهران ))
الذي كان لة الفضل بأأن يجمعنا في هذا الصرح الرائع
الذي لطالما نتمنى ان يسمو ويرتقي دووومآآآ للأفضل
.....ويكون دوومآآآ في مقدمة المنتديات الأخرى

قال رسول الله صلى الله عليه وسلم ( من لايشكر الناس لايشكر الله)
اتمنى من الله ان يوفق الجميع الى الخير وان نلتقي بيوم من الايام ,,
اما ابو مهران

فعلا تستحق الشكر والتقدير فكلمة الشكر قليلة لانسان قيادى مثلك
وبالنسبه لي انا احترمك واقدر مجهودك المميز لرقي هذا المنتدى .

وافتخر بانضمامي لهذه المجموعه الرائعه من اخوه واخوات اجتمعناااااا على الخير

لنرتقي ونتواصل


....................................
أأأرجو ان تتقبلي أسئلتي برحابة صدر زهرتنا الغاليةةة وعذرآآآ على الأطالةةةة
ودمتي لنااا (( زهرة جبل الكرمل)) الرائعةةةة
وكل الشكر لك
واتمنى لكي اقامة سعيدة في فترة اعترافاتك هههههههه
بنسبة لي اسعدني بأن اكون هناااا
.............
كل الود والأحترام والتقدير لك غاليتي


.....................................

اختك

kefah dahab

وانا سعيده بانني قضيت وقت معك والرد على اسالتك الرائعه كروعتك

اشكرك دائما ونورتي صفحتي

السلام عليكم
كيفك خاالتي ؟؟؟

حبيت اسأل كمن سؤال على الماااشي

1 ) اكثر موقف مضحك بحياتك

2 ) اكثر موقف محزن بحياتك

3) اكثر موقف محرج بحياتك

4) سؤال نفسك تسأليني اياه ؟؟

5 ) سؤال محيرك ؟؟

مرة ثانية نرحب بكي....

لا أريد أن اثقل السؤال عليكي .نحن شعبنا تمزق من عدوا لا يخاف الله . نساء أرامل . أطفال ايتام . حدث بلا حرج .

أسمع كثير من ألاحياًن أن هناك من أخوننا في أداخل يخدمون في جيش.العدو . لا بد أن من هؤلاء أن تلطخو بدم شعبنا الصابر

ماذا تقولين فيهم .......هل سبق أن صار مع أحد منهم حوار . اذا صار ماذا كانت اجابته

.............................................................

رغم ظروفنا .حسب ما أعلم واقول في مخيلتي ..أن أبناء شعبنا يعيشون في غربة . رغم أنهم في قلب الوطن .. ماذا تقول لنا أمواج حيفا

مع كامل احترامي

أبو ريان

دوله جنين اهلا وسهلا فيكي من جديد
بسم الله نبدأ بالإجابة على أسئلتك


السلام عليكم

وعليكم السلام


كيفك خاالتي ؟؟؟

الحمد الله حبيبتي بخير دائما ما دمتم بخير جميع


حبيت اسأل كمن سؤال على الماااشي

ههههههه ولا يهمك حبيبتي بس لا تمشي بعيد ,,,

1 ) اكثر موقف مضحك بحياتك

المواقف كتار يا دوله بدك اتذكر هلا شي موقف ,,

هاد يا ستي كنت انا واخي وزوجي رايحين نشتري سمك
وطلعنا من الدكان اخي وزوجي سبقوني عالسياره
وكان في سياره تشبه سيارتنا ونفس الموديل انا تخربط راسي وبلشت بدي افتح الباب
وما عم يفتح مقفل هههه وانا عصبت كتيررر !!!شوي والا فتحت قزاز السياره وكانت شقرة
بتحكيلي بالعبري !!(سلخا اولي تعيتي ) يعني شكلك مخربطه هههههههه بالعربي
قمت احمريت انا والا زوجي واخي مش قادرين يمسكو حالهن من الضحك
لحد اليوم يضحكو كل ما يتذكرو الموقف !!!!!!!!

2 ) اكثر موقف محزن بحياتك

موت ابن عمي ,,كنت لساتني صغيري وعمري 7 سنوات وكان عندو 4 اطفال صغار

3) اكثر موقف محرج بحياتك

هههههههه الله يسعدك عم تذكريني بكثير اشياء

كنت بخطبه لاحد الاقارب وانكسرت فيه الكرسي وكانت الغرفه مليانه ناس هههههههه

4) سؤال نفسك تسأليني اياه ؟؟

دوله جنين الاسم المستعار ؟هل تستطيع دوله جنين ان تذكر اسمها الحقيقي ؟؟

5 ) سؤال محيرك ؟؟

انو ساعه بتنهي دراستك ؟؟

بسم الله الرحمن الرحيم

اهلا فيك ماااااااااارات وابدا بالرد على اسالتك



مسرحيتك المفضلة

العيال كبرت

فيلمك المفضل

ما في فلم خاص

اليوم المفضل

يوم الجمعه والسبت

الفصل المفضل ( صيف أم شتاء )

ما تفرق عندي كل فصل وله ميزاته

المطرب المفضل

كاظم الساهر ,,فيرووووووز

الممثل المفضل

الممثله السوريه القديره منى واصف

الشخصية الكوميدية المفضلة

اسماعيل ياسين ,,وغوار الطوشه


راجعلك وحياتك ههههههههههه

بتنورررررر وحياتك ههه الله يسعدك

بسم الله الرحمن الرحيم

ابدا بالجابه على اسالتك اخي ريان

مرة ثانية نرحب بكي....

اهلا وسهلا فيك بكل وقت اخي ريان ,

لا أريد أن اثقل السؤال عليكي .نحن شعبنا تمزق من عدوا لا يخاف الله . نساء أرامل . أطفال ايتام . حدث بلا حرج .

لا حول ولا قوه الا بالله ,, قلوبنا تبكي حسره !!!!!

أسمع كثير من ألاحياًن أن هناك من أخوننا في أداخل يخدمون في جيش.العدو . لا بد أن من هؤلاء أن تلطخو بدم شعبنا الصابر

ماذا تقولين فيهم .......هل سبق أن صار مع أحد منهم حوار . اذا صار ماذا كانت اجابته


اقووول حسبنا الله ونعم الوكيل فيهم ,,

اخي ريان نظره المجتمع المسلم داخل البلاد لمثل هؤلاء بعين الاحتقار
ولا يشرفنا التحاور معهم بالاصل
المسلمين لا يدخلون الجيش ابدا ولكن منهم الدروز والمسحيحين والبدو ,,
لا يسمح للمسلم الانتساب الى الجيش
يسمح له الانتساب للشرطه فقط ووظيفه الشرطه تختلف عن وظيفه الجندي
اظن فهمت قصدي !!!!!

.............................................................

رغم ظروفنا .حسب ما أعلم واقول في مخيلتي ..أن أبناء شعبنا يعيشون في غربة . رغم أنهم في قلب الوطن .. ماذا تقول لنا أمواج حيفا

اخي ريان الجميع يعيش بغربه ,,غربه الوطن

ولكن بعد الظروف الصعبه التي عاشها اهلنا بالضفه والقطاع

واظن بانك متابع للاخبار والصحف رايت بان اللدم تحرك وكانت هناك هبات لنصره الاقصى
لأنهم فلسطينيون لم يهم عليهم الأقصى لم تهمهم ارواحهم ولا اهاليهم فقد نزلو ليقاتلو الشرطه بالحجر فكانت بحجاراتهم صراخات فلسطينيه وانتقام ننتظره منذ ان اغتصبت ارضنا وها هي ملفاتهم طويت ورجال الشرطه الذي اتلقو النار عليهم لم يحاكمو فكيف لنا انكون اسرائليين ورصاص الشرطه الأسرائيلي حرموا تلك الزهور من حضون امهاتهم ... عدا الشباب الذين اعتقلوا بمعتقالات اسرائليه كونهم تظاهروا ورموا الحجاره رغم انهم يملكون ورقه اسمها جواز سفر اسرائيلي فهم ما زالو بحضرة وجود فلسطين وما زال هنا وطن اسمه فلسطين.

المهم يا ريان عرب الداخل مثل ما قال المثل لا مع ستي بخير ولا مع سيدي بخيرررر

الجميع ينظر الى العربي الفلسطيني الذي بقى مرابط ويعيش على ارضه بانه خائن باع الوطن
طبعاااااا هذا الكلام غير صحيح لان دم واحد واخوه الجميع من له بنت او اخت او عمه او خاله داخل فلسطين
فنحن امتداد لكم وانتم امتداد لنا



مع كامل احترامي

أبو ريان

لك خالص احترامي اخي ريان

دوله جنين الاسم المستعار ؟هل تستطيع دوله جنين ان تذكر اسمها الحقيقي ؟؟ طبعا والاسم ما بتخبى وعادي لو نحكي اسمي ( اروى )



انو ساعه بتنهي دراستك ؟؟ ههه سألتي هيك عشان بقعد كتير على النت صح ؟؟ بس انا النت ما بأثر على دراستي
بعدين يا خالتي لاتخافي علييه من جهة المدرسة بس تتطلع علامتي رح احكيلك عنهم وبتشوفهم ولا يهمك

هيني جاوبتك يا خالتي

كم سؤال على الماشي ....

ماذا تعني لك فلسطين ؟؟

وماذا تعني لك حيفا ؟؟

هل عمرك شفتي حية وشو موقفك ؟؟

وشو اكتر كائن حي بتخافي منه

اجا دوري لنكشت الراس واكيد خالتي مش رايحه تزعل مني
سوالي
لو خير لكي ان تكوني مطربه ما هو نوع الاغاني اللتي سوف تغنيها
خالتي وانتي بطريق لسوق استوقفقي شحاد وقال لكي انو بحاجه الى بعض النقود وانتي لا يوجد معك سواء المبلغ الذي بحاجه له لشراء احتياجاتك هل سوف تعطي هههههه جاوبي بصراحه
رحتي رحله ا الغابه
اختاري 6 من الاعضاء ليذهبو معكي على الرحله
وصار انتو لازم تعطو كل واحد وضيفه ليكوم بيها
من من الاعضاء سوف يشوي اللحم على الكنون
من يغسل الاطباق
ومن يحضر السفره ومن ينضف الارضيه
ومن سوف يشتري كل الاحتياجات ومن سوف يغني لكم
السوال اللي بعدو
لمين حابه تضربي كف من الاعضاء

مين اللي بدك تعزمي على ارجيله مرتبه
مين هو اللي بنطبق على يكنس المنتدى
ومين بده يكون حارس العماره المنتدى
ومين الموسرجي المنتدى
ههههههههه
هاي اكم من سوال على الماشي الي رجعه اكيد

الغاليه ,,دوله جنين

الله يسعدك حبيبتي وتنجحي بكل المجالات المقبله

واسمك حلوووووو,,اسم على مسمى عاشت الاسامي

تحياتي يا احلاااااااا اموره بالمنتدى

ونبدا الاجابه على اسالتك

ماذا تعني لك فلسطين ؟؟

فلسطين مهما قلنا وتكلمنا عنها لا نوفيها حقها لان منها الشهداء وفيها الثكاله!!!!!!

يكفي بانها وطني النازف بجراحه ,,,,,



وماذا تعني لك حيفا ؟؟

الجمــــــــــــــــــــــــل الحقيقي لاجمل مدينه ساحليه

المدينه الكرمليه الجميله ,,عروس البحر فهي مسقط راس اجدادي


هل عمرك شفتي حية وشو موقفك ؟؟

نعم شاهدت حيه وكانت قريبه مني جدا ,,, فاخذت اصرخ وهربت من مكاني ,,,

وشو اكتر كائن حي بتخافي منه

الانسان الشرير ,,ههههههه اكتر كائن يخوف

تحياتي حبيبتي

مرحبا يا خالتي يا حبيبتي كيفك ؟؟

المهم نرجع للأسئله

اشي بتخافي تفقديه ؟؟

شخص بتتمني ما تشوفي ولا يشوفك ؟؟

شخص ما رح تنسي شو عمل فيكي ؟؟





كم منتدى مسجل فيه غير هالمنتدى؟؟



كم شخص عندك عالماسنجر؟؟

اخر كتاب قرأته؟؟

مكان تحب التردد عليه؟؟

مادا يعني لك الحجاب ؟؟

ان شاء الله تكون خفيفة عليكي

[b]مساء جميلا زهرة الكرمل
كم هو مشرق هذا المكان....بوجود انسانة عرفنا فيها كل الصدق ...وسمو النفس والاخلاق فاهلا بك اميرة ...فوق كرسيها تحيط بها اسرة هذا المنتدى الذين بادلوهاحبا بحب واحتراما عاليا تستحقه بكل جدارة...
من واقع الحدث الذي نعيشه جميعا اسال...
1.هل انجاز الشعب المصري لهذه الثورة العظيمة في رايك كمثقفة (اعتز بثقافتها) سيحدث تحولا في وجه المنطقة العربية ما هي ابرز هذه التحولات؟
2. المثقف العربي يعاني من مجموعة ازمات في رايك ما ابرز هذه الازمات ؟
3.هل تنصحي شبابنا وشاباتنا بان يركزوا على التعليم بكافة انواعه كضمانة لرقي شعبنا وتقدمه ما هي نصائحك لهم ؟
4.الحظ ذوقا عاليا في خياراتك وقراءاتك الشعرية...اين زهرة من الشعر؟ واي الاصناف الادبية الاخرى تحبين؟..كتاب اعجب زهرة؟ قصيدة؟ وهل للكتاب مكان في بيتك؟
اشعر اني اثقلت فعلا ....فمعذرة ...وجود انسانة مثلك على هذا الكرسي يستدعي الكثير من الاسئلة.....كل الاحترام والمودة واجمل الامنيات.....[/b]

بسم الله الرحمن الرحيم ,,ابدا بالرد على اسالتك فلسطيني وافتخر


اجا دوري لنكشت الراس واكيد خالتي مش رايحه تزعل مني
سوالي

هلا فيك فلسطيني منور الموضوع ,,لا ولا يهمك ما بزعل من احلا اسره واحلا اخوه

لو خير لكي ان تكوني مطربه ما هو نوع الاغاني اللتي سوف تغنيها

والله يا فلسطيني ما رح اختار شي لاني ما بعرف اغني اصلا وما اتوقع رح يكون عندي معجبين هههه لو غلطت وفكرت ههههههه,,,,,,

خالتي وانتي بطريق لسوق استوقفقي شحاد وقال لكي انو بحاجه الى بعض النقود وانتي لا يوجد معك سواء المبلغ الذي بحاجه له لشراء احتياجاتك هل سوف تعطي هههههه جاوبي بصراحه

والله يا فلسطيني ما رح اجاوب الا الصحيح ,,على الكريم ما في شرط , اعطيه قسم منها اكيد واكمل مشواري عالسوق واشتري الضروري لهذا اليوم ,,

رحتي رحله ا الغابه
اختاري 6 من الاعضاء ليذهبو معكي على الرحله

حيرتني والله يا اخي لانه بحب اكون مع الكل وما رح اعرف اختار نجيب باص ونروح كل الاعضاء هههههه

وصار انتو لازم تعطو كل واحد وضيفه ليكوم بيها
من من الاعضاء سوف يشوي اللحم على الكنون,,,القائد,,ابو امير ما شاء الله عنو بحب الحم اكيد يشويها مرتب

من يغسل الاطباق,,انا بغسلها

ومن يحضر السفره ومن ينضف الارضيه,, تحضير السفره على لينا ,,ودوله جنين ,,وفله

ومن سوف يشتري كل الاحتياجات ومن سوف يغني لكم

الي يروح يشتري الحاجات ,,فلسطيني ,, وشبل الاقصى
السوال اللي بعدو
لمين حابه تضربي كف من الاعضاء

كل عضو ما بلتزم بقوانين واعراف المنتدى وما بحترم الغير وما عندو اسلوب للنقاش !!

مين اللي بدك تعزمي على ارجيله مرتبه,,,ما رح اعزم حداااااااااا
مين هو اللي بنطبق على يكنس المنتدى

كل عضو يحافظ على نظافه المنتدى من اي شوائب ومفاهيم خاطئه لان كل واحد منا هو سفير عن وطنه وسفير للاخلاق الحميده

ومين بده يكون حارس العماره المنتدى

سكانها ,,لانه ما رح حد يحميها غير الي يسكنو فيها

ومين الموسرجي المنتدى
ابو مهراااااااااااااان الله يخليلنا اياه هههههه لانه دائم التصليح ورا الجميع
ههههههههه
هاي اكم من سوال على الماشي الي رجعه اكيد

بتنورررررررر يا احلا جار
تحياتي الك وكنت مبسوطه وانا ارد على اسالتك والله واضحك على خفه دمك ,,,, :1a:

اهلا وسهلا بـ الاخت زهرة جبل الكرمل
اتمنى لك دوام الصحة والسعاده


- عـاد المتنبـي وقصـدك لتبحـثِ لـه عـن عمـل ، مـاذا ستقتـرح زهرة جبل الكرمل عليـه ؟


- هـل هنـاك منطـق يمنطـق مـا وراء المنطـق ؟

- هـل تعتقـدِ أن أديسـون إنتصـر فـي معركتـه مـع الظـلام حيـن اختـرع المصبـاح الكهربائـي أم أن وجـود المصبـاح لـم يكـن أكثـر مـن هدنـة ؟
- حينمـا تمطـر ، أيهمـا أشـد سعـادة .. السحـابة أم الأرض ؟

- مـن أيـن أتـى هـؤلاء الأغبيـاء ؟

- متـى انطـوت عليـكِ اللحظـة الماكـرة ؟

- اختـاري خمسـة أعضـاء مـن المنتدى وامنحيهـم ألقـاباً ؟؟

... اصبغي نفسك باالاخضر
وخذي بعض القرارات الهامة في المنتدى
يعني بدل زهرة جبل الكرمل مشرفة المنتديات العامه تصير
زهرة جبل الكرمل
المدير العام

طيب كمان شغلة بدي اياها منك
** شكلي مجموعات في المنتدى تحت عنوان
1- مجموعة المشاكسين
2- مجموعة الفشلة
3- مجموعة الثقافة والادب
4- مجموعة المرح والخفة
5- مجموعة مساعدة الاخرين
مو مشكلة من تكرار العضو في المجموعات

تحملينا




ع الهامـش \\ رأيـك فـي صقر الحج؟؟

السلام عليكم ورحمه الله وبركاته

عذرا من الجميع لتاخيري بالرد
ولكن هي مشاغل البيت واحيانا تحكم الظروف,,, ســــــــــــــــامحوني ,,,

بسم الله ابدا الرد على اساله دوله جنين ,,اهلا فيكي من جديد

مرحبا يا خالتي يا حبيبتي كيفك ؟؟

انا بخير حبيبتي والحمد الله دائما اكون سعيده جدا وانا معاكم واتواصل معكم

المهم نرجع للأسئله

ولا يهمك ههههه,,,بتنوري دائما

اشي بتخافي تفقديه ؟؟

اخاف ان افقد كل انسان غالي على قلبي

شخص بتتمني ما تشوفي ولا يشوفك ؟؟

م-------------

شخص ما رح تنسي شو عمل فيكي ؟؟

------------





كم منتدى مسجل فيه غير هالمنتدى؟؟

والله ما بعرف عددهن في منتديات بس سجلت فيها لانها بتكون عامله حذر على الزوار
وبكون اسم الموضوع عاجبني بنجبر اسجل عشان اقرا الموضوع وخلص
اما بالوقت الحالي المنتديات الي بشارك فيها هي 2 فقط




كم شخص عندك عالماسنجر؟؟

لحظه اشوف العدد لاني فاتحا المسن اوف لاين هههههه 19


اخر كتاب قرأته؟؟
كتاب عم اقرا فيه لسا ما خلصتو (حرب الخليج)

مكان تحب التردد عليه؟؟

بيت الاهل

مادا يعني لك الحجاب ؟؟

وقار المسلمه حجابها وطاعه لامر لله عز وجل

ان شاء الله تكون خفيفة عليكي

حلووااااات متلك يا عسل

بسم الله ابدا بالاجابه على اساله الافاضل ,,ابو نضال الـ د.جاسر

مساء جميلا زهرة الكرمل

يسعد صباحك ابو نضال نورت الصفحه بوجودك

كم هو مشرق هذا المكان....بوجود انسانة عرفنا فيها كل الصدق ...وسمو النفس والاخلاق فاهلا بك اميرة ...فوق كرسيها تحيط بها اسرة هذا المنتدى الذين بادلوهاحبا بحب واحتراما عاليا تستحقه بكل جدارة...

الشكر الجزيل لك ابو نضال على هذه الكلمات الجميله والرائعه هذا من طيب اصلك ويا رب اكون عند حسن ثقه الجميع ,,فعلا الحب متبادل فمنذ ان تقربت من هذه العائله الرائعه اكن لها كل الحب والتقدير لمن فيها ,من اخوه واخوات

من واقع الحدث الذي نعيشه جميعا اسال...
1.هل انجاز الشعب المصري لهذه الثورة العظيمة في رايك كمثقفة (اعتز بثقافتها) سيحدث تحولا في وجه المنطقة العربية ما هي ابرز هذه التحولات؟

نعم سيحدث هذا الانقلاب تغيير جذري اوله ان جميع شعوب الدول العربيه المتضطهده ستقلد هذا الحدث وتحاول التغيير داخلها وعندما يختفي هؤلاء المسؤلين الذين باعو شرفهم وشعبهم واوطانهم وانقادو وراء العدو لبلاد العرب والمسلمين ,,واجتمعت شعوب العرب وتوحدت كلمتهم يستطيعون بتكافلهم تحرير الشعب الفلسطيني من يد العدو الصهيوني الذي اخترق البلاد وساندوه هؤلاء الذين قدمو دم شعبهم لهم

2. المثقف العربي يعاني من مجموعة ازمات في رايك ما ابرز هذه الازمات ؟

أن المثقف العربي يواجه ازمات نفسيه كبيره :وهي السلطة من جانب، والمجتمع من الجانب الآخر

3.هل تنصحي شبابنا وشاباتنا بان يركزوا على التعليم بكافة انواعه كضمانة لرقي شعبنا وتقدمه ما هي نصائحك لهم ؟

العلم واجب على كل الشباب وامر من اوامر الله سبحان في التعليم نستطيع ان نحصل على مجتمع واعي ومثقف ومسؤول ويا ريت كل الشباب يلاقو التوعيه الكامله من الاهالي لحثهم على التعليم ليكونو قدوه صالحه ونافعه للمجتمع ويصبح مجتمعنا سليم من كل شوائب التخلف
نصيحتي كام لكل الشباب ان يجتهدو ويتعلمو لانفسهم اولا وللمجتمع ثانيا

4.الحظ ذوقا عاليا في خياراتك وقراءاتك الشعرية...اين زهرة من الشعر؟ واي الاصناف الادبية الاخرى تحبين؟..كتاب اعجب زهرة؟ قصيدة؟ وهل للكتاب مكان في بيتك؟

احب قراءه الشعر والادب من صغري احب الشعر القديم جدا والمعلقات خاصه
احب قراءه كتب الحديث والسيره خاصه ,,في بيتي مكتبه كبيره ومجموعه مختلفه الانواع
من كتب دينيه وقصص عربيه واجنبيه

اشعر اني اثقلت فعلا ....فمعذرة ...وجود انسانة مثلك على هذا الكرسي يستدعي الكثير من الاسئلة.....كل الاحترام والمودة واجمل الامنيات.....

اشكرك ابو نضال على الدعم المعنوي الذي تقدمه لجميع الاعضاء
واعتز وافتخر بانني وقفت امام دكتور ومربي له رهبه ويستحق الاحترام لروعه اخلاقه وتواضعه

نورت ابو نضال وما ننحرم من طلتك