ربيع فلسطين

موضوع: ربيع فلسطين 02/01/12, 11:35 pm

ربيع فلسطين
صورة عاطفيه تراثية محكية بقلم :
الداعي بالخير : صالح صلاح شبانة
[ندعوك للتسجيل في المنتدى أو التعريف بنفسك لمعاينة هذه الصورة]
الربيع الفلسطيني ربيع مليان بالحياه ، بالخضره والورود ، الربيع الفصل ،
اللي بطيب فيه المأكل والمشرب
من فجر التاريخ لقيام الساعه ، فصول السنه معروفه ، صيف ، خريف ،
شتا وربيع ، يا هلا فيهن ومرحب
الشتا فصل الحياه، لولا ميّات السما ، كان لا طلع نبت ولا شجر ولا أينع......،
ورق ولا حصد ولا عَشّب
ولمّا ايطل الربيع ، وتفرد الشمس نورها ودفاها عَ الأرض اللي جواها بضحك ،
وظهرها بضحك ويفتّح اللي اتقنَّب
وتنوّرالبراعم ، وتطل أعشاب الأرض ، والأرض خير ونبتها خير ، فيها غذا ودوا ،
وقلب الأنسان بحبها اتّشَرَّب
روحه معلقه فيها ، قديش فداها بالروح والدم ، وأسقاها عرق ومحبه تتظل
حُرّه أبيه العدو منها يتهيَب
وأرض فلسطين قديش نصيبها بالتضحيه عالي ، وقديش فدوها اولادها ،
وقديش شعبها اتهيَأ واتدَرَب
تيظل لون الحنّون أحمر ، يفوح بدَمّنا لِمّعَطر، لمّا ينفرد عَ الأرض الحٌرّه ،
عَ مد البصر ما أحلى ولا أجذب
والزعتر بلونه لِخضَر لابس الجبال والوديان ، الحرايق والحَبَلات ،
لذعته حَرّاقه ، طعمها في الثم شعلب
وقبل ما تمتد إيد الأنسان الأثمه وتجتثه من الأرض ، من لمّا صار الشيكل ،
أغلى من تراثنا لِمْعَذّب
والميريميه بقت شجيراتها وين ما درت تلاقيها قدامك بفوح عطرها بعطر ،
ستنا العذرا من عرقها يتصبب
قالت ستي : بقينا نطبخ ونخبز عليها بدال الحطب ، وبقت تزيد وحراج اليوم ،
حدا يلاقيها بعد ما كل إشي اتخرّب
حَراج ها لِيّام مين يلاقي في الأرض المَوات والبور اللي هجرها الأنسان ،
غلوة ميرميه مهما اتعَنّى واتغَلَّب
وبقى اللوف غذاقبل ما يعرف الأنسان انه دوا، ودفع عنه أمراض خطيره ،
عرفها الأنسان بعد ما اتجَرّب
وبقى القلقسون مثل البطاطا ، بحباته السودا اللي بتطلعها من جوّه الأرض ،
بتنحط في الطابون وبتتقلب
والبزيز مثل البصل لِخضر ، نقلع راسه من الأرض ونجَدّله ضُمه ملا الأيد ،
ويتاكل مشوي نكهه في الثم عَقَّب
والعلك والمُرّار حوس وسلطات ، والقرصعَنّه والقوص ، وطبخة عكوب باللبن ،
عَ خبز الطابون امشَرَّب
واللسيِّن والكف الزعمطوط قبل ما يطلع ورق الدوالي ، غير عن أكلات التسالي ،
صبيعه وجلثون ما بتتعَشَب
لمّا اتعَشِب الزرع ، بتظل لَلِفريكه ، والحصيده مع بُرّيده ، وذان الفاره ، وقرون ..،
الحلبه يا هلا ومَرّحَب
والخس والذِّبَّحْ، وذنبة الفرس ، أكله منها طازه ، ومنها سلطات مع اقراص الحُميضه ،
ما أطيب منها ولا أعذب
والشومر بطعمه وشذاه المنتشر جوّه أحاسيس الأنسان ، يِفْرِح النفس المحزونه ،
ويخلي المعده تنتشي وتترَطّب
وقرص الراعي ، والخبيزه والفرفحينه والزعِتّمانه ورجل الحمامه أكلات نعمة الله ،
منها وجبات وأقراص نفسك عليها بتتحَلّب
بتلاقي الناس بأول نيسان مشغوله بزراعة الصيفي ، والفقوس والكوسا والبطيخ ،
والشمّام يجود ويخصَب
ولمّا تنزل هالخيرات ، وين ما درت موارس وكروم ومقاثي خيرات الله خيرها...،
عظيم واجب عليك تصفن فيها وتتعجَب
شو ها لأنسان اللي طوَّع الأرض ، حبها وحبَته ، أعطاها واعطته عشقها وعشقته ،
عاشت في مساماته ورفض يتغرّب
بس لمّا نقض العهد وهانت عليه الأرض ، الأرض ماتت ، والسما شحّت بالمطر ،
وما عاد لا زرّع ولا قنَّب
راحت أيام الخُضره وراحت أيام العشب والطب والدوا ، وما عاد إشي ينزرع ولا ينقلع ،
ولا إشي يتلقط و لا يتعَشَب
وبخلت الطبيعه علينا ، وين الزعتر والميريميه ، يا ناس ؟ وين الشومر ولِقريعه ؟
أتاري الزمن اتغير واتقلب
قديش ستي خبزت وطبخت عَ حطب الميرميه ، بتلاقي ريحتها فايحة وعطرها عابق ،
جوّه القريه ، جوّاك تتسرب
بتلاقي البرقوق واللوز ، بتلاقي التفاح والرٌّمان ، بتلاقي الدوم والزعرور عَ ذيال الوطاه ،
والعنب والتين لِمشطب
قلعنا الشجر ، وكسرنا الحجر وخربنا الطبيعه ، وقلعنا الزرّيعه وصارت الخضرا جردا ،
ولا حدا حوّش ولا حدا عَقّب

شكرا لتواجدك زائر نورت الصفحة

[ندعوك للتسجيل في المنتدى أو التعريف بنفسك لمعاينة هذه الصورة]

فلسطين : اذا أحبك مليار مسلم فأنــــــا منهــم 00

وان أحبك شخص واحد فهو أنــــــــــا 00

وان لم يحبك أحد فاعلمي أننى قد مت 00

[ندعوك للتسجيل في المنتدى أو التعريف بنفسك لمعاينة هذا الرابط]

موضوع: رد: ربيع فلسطين 03/01/12, 10:35 am

يرحم ايام زمان الي كان فيها الربيع والخضره
رحمك الله يا ابا صلاح

[ندعوك للتسجيل في المنتدى أو التعريف بنفسك لمعاينة هذه الصورة]

» مدونة فلسطين................. نسيم ربيع
» ااجمل ترحيب بالعضو الجديد ربيع امجد حامد ربيع
» سهرة ربيع نائل يوسف ربيع
» عرس ربيع نائل يوسف ربيع (الزفة)
» الى جمهور فلسطين والدول العريبة والاخوة المغتربين سيقوم تلفزيون فلسطين ببث فعاليات مهرجان