تاريخ التسجيل : 22/12/2008 عدد المساهمات : 11769 الجنس : العمر : 59 الموقع : بيت عنان العمل/الترفيه : مزارع وبائع متجول المزاج : حسب الوضع نقاط : 96383 أحترام قوانين المنتدى :
موضوع: الثلج ...... 04/03/12, 04:27 pm
لوحة تراثية ووجدانية من وحي القرية ومواسمها بقلم ووجدان : الداعي بالخير صالح صلاح شبانة
شفنا ربيع الوطن أزهر ، ولما الشمس طلعت عَ الجبال البيضا من دفا الفرح ، ذاب الثلج وسالت المية بالواد بقى اللحاف لِبيض يرتفع عن الأرض العذرا ، وبقى العشب اللي يا دوبه نابت ، يتكَشَّف من تحت الغطا ويرمي لوساد ، وتلاقي العشب متحمم بقطر الندى ، يعكس ضوّ الشمس بمنظر يوخذ العقل ، وينشر الحلا عَ طول وعرض لِبلاد موسم المطر موسم فرح ، والثلج ضيف الله وعبدالله ، الله والنبي محييه ، وين ما حط ووين ما نط ووين ما جاد بقى الثلج عَ أيام ستي وسيدي ضيف موالف، يزور الأرض بآذار لحاله ، سبع ثلجات كبار ، وسنين عنهن زاد ذخر وذخيره للموسم الصيفي ، وللنبع وللأرض اللي بتعشق الغيم والمطر ، رحمه ودوا لقلوب العباد بقى الثلج والمطر ، وآخر الخريف ، وكل الشتا ، وربيع بلادنا الحلوه، فيض من الحب والأمل والوداد ******************************* بقى الثلج ضيف مبارك ، شيخ جليل لابس ومتلبس، أبيض بأبيض ، ولحيه وقوره ، مشتعله بالشيب الوقاد حامل معه محبه من الله،يرميها بكل من شافه واستقبله ،يفتح له كل القلوب المسكره ، ويحرق قلوب الحساد اللي همهم الأرض تخرب ،لما امتهنوا حبس الميه والقوت ،ومص دم البشر ، وكل ما يعطي قوت وزاد ويبيع لحمهم بالكيلو والوقيه ،للي بدفع اكثر ،وآسفاه عليك يا لحم البشر ، قديش رخيص ومالك ثمن عند الاوغاد بقى الثلج يطفي نارهم ،ويخرّب ديارهم ،اذا عندهم باب عند الله الف باب ، يذل وينتقم من كل جلاد بقى الثلج رحمه ،من عند الرحمن الرحيم مرسله ،بحل عَ الأرض القفرا ،يخيلها جنه خضرا وين ما شاء وأراد بقى الثلج ها لحبيب الغالي ،يعبي بيارنا ،ويعمر ديارنا ،ويروي أشجارنا ويطفي نارنا ، كل سنه احنا واياه على ميعاد ********************************* بقى الثلج يسرج على الغيم ويسبح على باب الله ،وين ما قدر المولى يرميه ، حامل معه الخير زاد وزواد بقى الثلج ضيف الله ،مطرح ما يشاء الله برعايته وعلى بركته يوديه ، وين ما حط علاّ وساد ويرفع في قلوب البشر عرش محبه ،وعليه قعد ،الخير في مقدمه كريم ،بارك الله معطاء وجواد بعد الثلج بتطهر الأرض من كل ما دب وهب ،من الأمراض ومن الأقذار ، ولما نحط جواها السماد نزرع ونتوكل على الله ،وبيركة الثلج والمطر والمية الطاهره لمطهره ، تجني موسم حلو من الخير الوجاد ونرفع الدنيا للسما ،يا رب يا للي باركت الثلج والمطر ،وباركت الزرع والثمر ، بارك يا رب بها البلاد وخلي فرحها متواصل ،وارفع عنها الغربه والتربه والكحل الاسود . .والايام الصعبة الشداد *********************************** بقى الثلج عريس الزين ، أبيض وراكب حصان أبيض ، والأرض عروس ، تستناه عَ حر الشوق الوقاد ولما يحل عليها ، وتنتشر الفرحه في قلوب اولاد الأرض ، وتزغرد عيونهم بالفرح ، وتتنفس غصب عن السهاد عن القلق والخوف اللي انطبع في قلب الفلاح ، اللي خلا حياته ترقب وخوف ،من الزمن ، ونار تخلف رماد بقى الثلج أمل أبيض ، يمسح عن الأرض النحَسْ والدَنَسْ ، ويطهرها من أدرانها ، كل ما بنفش الندف جاد بقى الثلج رحمه واسعه ، سقف بلا حيطان ، بلا ابواب تتوزع عَ الأرض وتكفي ...، مهما بلغوا أعداد بقى الثلج نعمه للعالم والجاهل ، للزارع والعابث ، للمدني والفلاّح ، موسم فرح ، وأمل وسعاده وإسعاد يا رب تديم الثلج ، وما تقطعنا من زيارته ، ثلج رحمه ، للأرض والأنسان ، ثلج طهاره من النجس والدنس ، ثلج خير بالتوفيق والسداد
تاريخ التسجيل : 21/02/2009 عدد المساهمات : 15568 الجنس : العمر : 54 الموقع : بيت عنان العمل/الترفيه : على الله المزاج : يوم امنيح وعشره زي نقاط : 73942 وسام العضو المميز على لوحة الشرف أحترام قوانين المنتدى :
16/05/24, 12:30 am من طرف 
موضوع: الثلج ...... 
