قصــة راقصة الباليــه مع المسؤول

قبل ايام يعني مش زمان راحت بنت اختي على دار اخوي اللي هو خالها بعد ما خلصت الامتحانات !
بنت اختي من كثــر ما هـــي فرحـــانه علشان خلصــت الامتحانات مفكــره حالها مخلصــه الثانويه العامــه ..
ومــن كثـــر الفرحـه صــارت ترقـــص باليـــه مع انــو وزنـــها اصـلا مش ملايم للـباليه
وهـــي ترقــص وهــي طايـره من فرحتهـــا . فكــرت حالهــا فراشــه .. طـب وقعـت وراحــــت رجلهــــا
المهــــم مسافه دار اخوي لدارنــا فيهــا 2 كيلــو والطريق طلوووع .. يعني كيف وصلـت دارنــا لحــد الان مش عارف
لما وصلت دارنا اخـذنا الشغله بسيطه وبعــد شوي بتــرجع رجلها منيحـه .. هـذا على اسـاس كل دارنا دكاتــرة عظــام ومفاصــل
كولتلهــم (قولتلهم) ابعــدو انا بطيبها على اساس اني دكتـــور مســاج ومعاي رخصـــة . بدي اعملها مساج ...
مهو انا شايف هالحركتيــن اللي بسويهن في مباراة برشلــونه وريال مدريــد قالولــي الدكاتـره اللي في دارنا بلاش تسوي حركة غلــط وتزيد ...
والله وحسيت انهــا زبــطت معــي مهي (بتزبط مع الهبــل دبل) .. يعنـي هديت شوي من صوتهـا اللي موصــل لاخــر الشارع ..
بعــد هالعمليــه الناجحــه اللي سويتها قلت اروح انام علشان ارتاح .. مهو انتو يا جماعة الخــير عارفــين الدكاتره شو بيتعبــوا
وانا نايم ومبسوط من نجاح العمليه .. فجاءه ..اسمعت طق .. طق.. على باب الغرفــه صوت بيقــول قــوم يا دكتــور العمليه اللي سويتها شكلها مش ناجحــه
قمــت على السريع وقلتلهــم جهـــزوا غرفــة العمليات على السريع.. اسمعت واحد بيقول خذوها على المستشفى .. مش مركــن عليا الاخ
قولت طيب جهــزوا الاسعاف نوخذها على المستشفى .. انزلت علشان اوقف الاسعاف .. على اساس انو الاسعاف معبـي البلـد ..
بالصدفــه اجــى باص حرب ابو الذهب .. قولتله وانتا راجع من الحارة الغربيه ميل علينا بدنا انروح على رام الله . ..
رجع الباص ووقف قدام الدار بس كانت مشكله وهي انو الباص عالي عن الارض وهي برجل وحده بالرجلتتييين يا دووب حامله حالها ..
قولتلهم ابعـدوا مع اني دكتور بس بزمناتي العبت حديد .. هوب ارفع رفعتها والحمد لله بس حسيت انو في اصوات غريبـه طلعت .. صاروا الركاب اللي في الباص يضحكوا .. معرفتش ليش ؟
وصلــت المستشفــى ..
وفي المستشفـى بـــس " موظف واحد في الاستقبال " اربعيني ! ويا الله شـو فـي ناس طيبيـن جاييـن يشمـوا هـوا في المستشفى ! ، ومع انو القاعـة كبيرة ومن المفروض ان يكون فيها اكثر من خمسة موظفين استقبال!
وقفت يمكـن ربع ساعه علشان يخلص الموظـف " الاربعيني " من الدردشـه مع الموظفـه العشرينيـه ، قعـدو اكثر من 15 دقيقه وشوف وراك شو صار عالم!
الحمــد لله اجــى دوري ..كتب اسم بنــت اختــي على الورقه وقاللي اشوي وهيني راجع .. دقيقه وبرجـع وما رجع صارت 5 دقائق وما رجـع يمكـن عشريـن دقيقـه وما رجـع .. المهم انا ازهقــت وانا استنى والناس صوتها طلــع .. قلت والله لاشوف الرجـال وين راح .. سألت عنه تبعــت التنظـيف .. صــرت اقول الله يسامحـك يا علاء اللي هو انا .. ازعجت الرجل عن اداء عمله .. اتاريــه الزلمـــه في الحمـــام محشـرة معـــه

سامحونا .............