الاعضاء يريدون اسقاط النظام .. هههههههههههههههه

لالالالالالا بالله شو سيد علاء ليكون مو عاجبك نظام
والله احسن من هيييك ما في
وانا رح اكون ضد اسقاط النظاااام ههههههههههههه

بعدين نصحيتي انك تجلس وتقعد ما بتطلع برااس بعدين بخاف ينقلبوا علييك ديرر بالك هون خطريين

والله مسيووو مارات كتير مستانس بالموضوع ومتفاعل مع احداث مصر وهاي الشغلات بس مصر مو عندي عمي ابو مهراان

دولة جنين كتب:

لالالالالالا بالله شو سيد علاء ليكون مو عاجبك نظام
والله احسن من هيييك ما في
وانا رح اكون ضد اسقاط النظاااام ههههههههههههه

بعدين نصحيتي انك تجلس وتقعد ما بتطلع برااس بعدين بخاف ينقلبوا علييك ديرر بالك هون خطريين

هلا بالمشرفة دولة جنين... قديش دفعتي لتصيري مشرفة .. الاداره مرتشين بعرفهم

فكري منيح انتي بتتعاملي مع نظام سيسقط قريباً ..

اليوم عندك فرصة بس بكرا لا في سعودية ولا في ابو ظبي

هههههه بتهيألك وحيااتك

بعدين احنا ما بنتعامل مع هاي الشغلات رشوة وغيرها كل شي نظامي ههههه
بعدين انت بدك تعمل انقلاب بس مين بدو يستلم
بخااف تكوون انت يا سااتر شو رح يصير
نصيحتي لا تكمل رح تكون العواقب وخيمة ههههههههههههه دير بالك

هههههههههههههههههههههههههه
باينة من اولها مارات احسنلك انك تجلس زي ما قلتلك

نكشة راس على رأي أبو السعيد
إخواني أعضاء الإنقلاب ....على عرش وأبو مهران وزمرته
قصتكم مثل صاحبنا (غائب الهوشة)
في إحدى ذكريات وعد بلفور كانت هناك مظاهرة ضد وعد بلفور المشؤوم ...فمر بها رجل إنضم اليهم ...وهم يهتفون (فليسقط وعد بلفور) وبدأ صاحبنا (غائب الهوشة ) يهتف( فليسقط واحد من فوق) لإنه لم يعرف فعلا ما يهتف به الجماعة .....وأنت يا صاحب الفكرة ومن انضموا اليها إعلموا أن أبو مهران سيضرب بيد من حديد وأن جيشه سيكون معه وليس على الحياد كالجيش المصري في ثورة 25 يناير هذا من جهة ومن جهة أخرى
(على بال مين يللي بترقص في العتمة) .مع أعتذاري الشديد وإن غذا لناظره قريب .

قمر الفرات كتب:

الاخ مارات

بس تعرف يعني انت مالقيت الا ابو مهران لو حاكي انو بدنا تغيير او تصحيح في بعض الاداريين او المشرفين
كنا وافقناك وضمينا صوتنا لصوتك وبعدين تعى لهون
مهو راس الهرم عنا صالح يبقى الكل هنا صالح
يبقى الله يوفقك اسحب حالك وامشي يلاه احسن ابعتلك ؟؟؟؟؟؟؟؟؟

أيها الاحرار ..
االمنتدى ليس منتداي فقط .. منتداكم انتم أيضاً ..
ان شئتم لا تهتفوا بعدل قضيتنا .. ولكن وجب عليكمـ لانكمـ الامل لهذا المنتدى ..
ان تشاركونا في جميع نشاطات االثوره ..

الثورة بدأت في 17-02-2011 .. وعهداً علينا الا تنتهي الا بسقوط الاداراه...

قضيتكمـ مباركة ..

اقتباس :

(على بال مين يللي بترقص في العتمة)

يا ذكر الله .. يا ذكر الله

صاير شخصية مهمة .. بطلعلك .. والله بطلعلك ..

نحن اصحاب اجندات حقيقية تحمل احلام قرمزية مليئة بالديمقراطية خالية من التعسفية والقمع الذي حل في كل مكان .. التغيير قادم قادم لا محالاة
وحضرتك منهم 0 مالم تتراجع عن هذا المنصب الذي وصلت له بمصادرة حقوق بطرق غير مشروعه

ههههههههههههههه

مريت في الطريق لاقيت زحمه اووووووف شو مظاهرات وانقلااااااااااااااب

وعلى مين

على ابو مهران هالمسكين يلي بطعم الاعضاء لو اخر لقمه بتمه ههههههههههه

روووووووووووح مااااااااااااارات شفلك انقلاب على حكومه تانيه

زهرة جبل الكرمل كتب:

ههههههههههههههه

مريت في الطريق لاقيت زحمه اووووووف شو مظاهرات وانقلااااااااااااااب

وعلى مين

على ابو مهران هالمسكين يلي بطعم الاعضاء لو اخر لقمه بتمه ههههههههههه

روووووووووووح مااااااااااااارات شفلك انقلاب على حكومه تانيه

شوفوا بالله زهرة بنت امبارح بترد عليا انا زعيم الثوره
اي والله صحيح كبرتي يا فرخة وصرتي تكاكي

اي احنا من يوم ما افتتح المنتدى يا شطورة واحنا فيه وبدنا تغيير واصلاح هههههههههههه

طيري العبي هناك بعييددددددددددد

هههههههههههههههههه

لا تنسا اني من اول المؤسسين بالمنتدى واحمل عضويه رقم 205

يعني من الوزاره ههههه

يعني ما فيك تقنعني

معارضه على طول هههههههههههه

نصيحة بناء على تجارب سابقة
انصحك يا زعيم الثورة بالتالي (أن تحرق نفسك ورى ابو يمين عندها تضمن نجاح ثورتك )
عندها يخرج الرئيس أبو مهران يحمل لافته مكتوب عليها
(الرئيس أبو مهران يريد تغيير الشعب )

زهرة جبل الكرمل كتب:

هههههههههههههههههه

لا تنسا اني من اول المؤسسين بالمنتدى واحمل عضويه رقم 205

يعني من الوزاره ههههه

يعني ما فيك تقنعني

معارضه على طول هههههههههههه

مارات سافين هنا >>> رقم 20 امل المستضعفين في زمن المتآمرين .

يعني لسا انت سنفورة يا سيادة المشرفة مع عملاق مثلي التسجيل من اول اسبوع هههههههههههههههههههه

ploplo77 كتب:

نصيحة بناء على تجارب سابقة
انصحك يا زعيم الثورة بالتالي (أن تحرق نفسك ورى ابو يمين عندها تضمن نجاح ثورتك )
عندها يخرج الرئيس أبو مهران يحمل لافته مكتوب عليها
(الرئيس أبو مهران يريد تغيير الشعب )

انا مستعد لعمل كل شئ حتى اسقط الاداره .. بس احرق حالي لالالالالا بطلت ههههههههههههههه

لن نبقى عبيداً .. ونقبل بكل الإملاءات.. التي يفرضها الصف الأول المنفرد بالقرارات دون اي يعيرنا اي اهتمام ..

اخر الاخبار تشير ان الادارة هربت ..

بحر الحنان كتب:

موضوع جميل

بالفعل مناسب و مواكب للأحداث

مارات سافين

شايف ماحدا مسترجي يدخل ويتضامن معك

بس ولايهمك انا رح بايدك وياروح مابعدك روح

انا اول واحد بنضم للمعارضة

وانا جاهز بكرة للإعتصام في الصفحة الرئيسية للمنتدى

الطائره تحمل الاداره هاربة من الأعضاء ههههههههههههههه

هلا راس قلبي .. هلا عيني .. هلا بيك هلا بيك مارات سافين بيحييك ..

وينك أي حياتي من غيرك شوووربة يا معلم منيح اللي لقينا حد يساعدنا ..

جهزلي حالك .. اهم شئ يحصل تأطير في اوساط المستجدين .

الدعم جاي من غربا كثير والخير كثير ..

لازم نسقط تلك الفئة التي نصبت انفسها علينا بالحديد والنار ..

لازم نخلعهم خلع ياكبير..

ههههههههههههههههههههههههه يالله مهي خربانه خربانه وانا بحب اولعها بزياده وادير عليها بنزين خليها اتهبرج النار هاي كلمات فلاحيه
انا بالاداره القديمه اخذت مشرف على الرياضه يعني مجانين ولاحقين طابه
وانتا لو صار انقلاب على المسكين ابو مهران شو بدك تعطيني حقيبه وزاريه على شو هههههههههههههههههه اكلتها ابو مهران بدنا ننكش راس على الاخر

بيان رقم 1
نظرا للظروف الحرجة التي يمر بها منتدانا نناشد الأخوات والإخوة التجمع غدا الجمعة في ساحة
( ورى أبو يمين ) للوقوف الى جانب إدارة المنتدى ضد التحركات المشبوهة ونعلمكم أن هناك تنسيق على الجسور للأخوات والإخوة خارج الوطن للأخوات والإخوة (بس لا تقولوا عنا عملاء)....كما نهيب بالقائد أن يعطي أوامرة للقوات المسلحة ورجال الأمن أن يكونوا على أهبة الإستعداد لمواجهة الخارجين على القانون .....
حتى الان هم مش عارفين أن أوباما واقف معنا والسعودية وقطر وحتى قناة الجزيرة والحياة وايران أيضا معنا ونحن حابكينها مزبوط ....
الويل لمن تسول له نفسه بأي تحركات مشبوهة
وبعدين احنا شاطرين في وضع البيانات
كما نعلمكم بان هناك منع تجول على الخيول في البلدة ستقى في استبلاطها طوال اليوم

يالله اخوان اليوم الجمعه والملتقى بعد صلاه الجمعه

وعلى الشباب تحمل نتيجه المعارضه الي هني احنا من فوق الابعين هههههههههه

احنا كلمتنا الاقوى ورح نكون يد بيد مع ابو مهران

وخد معاك البحر لساتو شباب خلي يقود ثورتكم الفاشله هههههههههههههه

حزبنا اقوى مع خبره ههههههههههههههه

ال شباب مبارح بدهن يعملو انقلاب وعلى مين على حكومه ماشيه الحيط الحيط
وبدها السلام من اعضائها الكرام

البيان الأول لثورة

بيان القوات المسلحه من المقدم بحر الحنان

نطلب من الاداره ان تسحب الثقة من الوزراء وان تشكل انتخابات حره

المنتفعون ههههههههههههههههههههه

عبارة اطلقها المقدم بحر الحنان

هيه حقيقة يجب ان لايغفلها الجميع

موجودة في المنتدي منذ سنه ولكنها ازدادت بعد ان سيطر المنتفعون على

الامور بشكل اكبر في المنتدي

حققئق يعرفها كل من هو قريب من المنتدي


فنطلب إسقاط المنتفعون

هههههههههه هاي صارت عنجدية والله ههه
بس لا تحاولوا مارح يطلعلكم اشي
وقراراتكم مردودة عليكم وان شاء الله النصر النا

لالالالالالالالالالا لأسقاط النظام
يعيش يعيش ابو مهرااااااااااان

خلينا نشوفكم بعد كمن يوم شو بدو يصير فيكم ههههههههه
مو جايين تلعبوا غير معنا
قحطوا احسنلكم
واذا يا مسيوووو علاء لقيلتلك مقدم وناطق ما رح تلاقي غيرهم
وزي ما قلتلك ورح اقلك جلللللللس واقعد احسنلك
هههههههههههههه
نحنا معنا رجال والنساء بتهد العاالم كرمال عيون عمي ابو مهران والادارة

وانا لصامدووووووووووون

ploplo77 كتب:

بيان رقم 1
نظرا للظروف الحرجة التي يمر بها منتدانا نناشد الأخوات والإخوة التجمع غدا الجمعة في ساحة
( ورى أبو يمين ) للوقوف الى جانب إدارة المنتدى ضد التحركات المشبوهة ونعلمكم أن هناك تنسيق على الجسور للأخوات والإخوة خارج الوطن للأخوات والإخوة (بس لا تقولوا عنا عملاء)....كما نهيب بالقائد أن يعطي أوامرة للقوات المسلحة ورجال الأمن أن يكونوا على أهبة الإستعداد لمواجهة الخارجين على القانون .....
حتى الان هم مش عارفين أن أوباما واقف معنا والسعودية وقطر وحتى قناة الجزيرة والحياة وايران أيضا معنا ونحن حابكينها مزبوط ....
الويل لمن تسول له نفسه بأي تحركات مشبوهة
وبعدين احنا شاطرين في وضع البيانات
كما نعلمكم بان هناك منع تجول على الخيول في البلدة ستقى في استبلاطها طوال اليوم

يا اهلا وسهلا
يا مرحبا بالعصابة الديكتاتوريه
بدكم ساحة بنوفر الكم 5 ساحات ...
بدكم يافطة بمترين بنجيب الكم 100 متر ....
بدكم فضائيات تنقل وقوفكم ضدنا .... بتلاقوا كثير ... بس الجزيره وايران وسوريا بدها اشكالنا واكي معنا....
بدكم توقفوا بوجوهنا بدعم من الغرب ؟؟ مستعدين نجيب الكم الشرق كمان ....
بدكم تقعدوا على الكراسي ..... ؟
احلموا
احلموا
احلموا
بس ديروا بالكم تقعوا .. ايها الادارة لا يأخذكم الغرور فعقارب الساعة ان توقفت لابد أن تدور ..فتعذيبكم لنا لا يخيفنا.. فالريش قد يسقط من أجنحة النسور وصمتنا عنكم ليس لضعفنا ..فالماء يبقى في باطن الأرض بين الصخور..أقطعتم الأشجار من رؤوسها؟؟ولكنها ظلت الجذور..أقتلتم الحمائم في أعشاشها.. اذن فانتظروا أفراخ النسور ..

بدكم توقفوا بوجوهنا بدعم من الغرب ؟؟

احنا اااكيد ما بنطلب من حدا الدعم قلتلك عنا رجالنا ونساءنا بتهد العالم وما فيه
والله شايفلك يا علاء صلك اسبوع بتحضر للفكرة وللبيان والرد والكلمات
بس كلو رح يروح على الفاضي وحيات عنيك وابقى واجهني ههههههه

دولة جنين كتب:

ههههههههههه انا الي هسا طلع صوتي
والا انت الي غبت وجبت بالله
بعدين مين قلك اني لحالي اذا بدك انا معي جميع الاعضاء الا كمن واحد يعني ما بطلعوا 1 % بس عادي خليهم يعني ردة عين وكمان هم حزنانين علييك حرام تغلب حالك صرلك اسبوع وتطلع بلوشي بالاخر ما بصير ويعني زي مهو معروف عن منتدانا انوا ما بحب يضيع تعب حداا
ههههه

يعني بتهددينا
طبعاً ما انتي من الفئة المستفيدة .. مشرفة .. يعني بتمارسي الإرهاب الفكري على الأعضاء باسم الاشراف ..
منصب ليس من حقك لكنك اجدث فن التملق وتناغمت مع افكارهم الهدامة ومع سياساتهم لذالك اصبحتي مشرفة .. ..

انتم الى زوال .. ونحن سنبقى

وسيذكركم التاريخ بانكم مررتم من هنا وافسدتم ما افسدتم ..

ألم فلسطين كتب:

ومعلش اخي ابو مهران سامحهم بتظل انت الكبير ههههههههه

يعني بتهديدنا

هي الي شاطره فيه كلام منمق ومزوق ..
بدل ما تحكي هالكلام تعالي معانا ..

آن الأوان .. لنتكلم .. ان الأوان لنتحرك .. ان الأوان لنعبر عن ما بداخلنا .. كفانا صمتاً .. كفانا قبولاً بالعذاب والقهر الذي يمارسه هذا النظام الذي اقل ما يسمى بانه نظام فاشي ..

لنتحد في خندق واحد ونقول لا سوياً
ونردددددددددددد
الاعضاء تريد اسقاط الادارة

يعني بتهددينا
طبعاً ما انتي من الفئة المستفيدة .. مشرفة .. يعني بتمارسي الإرهاب الفكري على الأعضاء باسم الاشراف ..
منصب ليس من حقك لكنك اجدث فن التملق وتناغمت مع افكارهم الهدامة ومع سياساتهم لذالك اصبحتي مشرفة .. ..

انتم الى زوال .. ونحن سنبقى

وسيذكركم التاريخ بانكم مررتم من هنا وافسدتم ما افسدتم ..




والله والله انت بس طووووووول بالك
والله انا ما طلبت رأيك اذا بستحق ذلك بكفي عندي ثقة عمي القدس وعمي القائد وخالتي نها والاعضاء
ولا تنسى انك حاطط تهنئة ولا بس مشان تمسح جووخ يعني

وانا برأيي انتم الي رح تقحطووووو من هون
وهي تاريخ بيني وبينك مسيوووو علاء
وسجل يا تاااااااريخ مين رح ينتصر بالاخر

مريت من هون لقيت الدنيا مولعه ....قلت اشوف لقيتك لحالك يا اخوي شو ما اتعلمت انا من المره السابقه في المره السابقه اعملت انقلاب وفشل وانا كنت مشرف وصرت عضو وما صدقت وهي الاداره ترضى علي
اخوي
رضت ولا ما رضت قال يا قرد بدي اصخطك قال شو بدك اتحولني غزال انا معك لو بدي اصير عضو موقوف
الهراوات واليافطات من المره السابقه موجوده سير وانا معاك نعم لاسقاط الاداره

صقر الحج كتب:

مريت من هون لقيت الدنيا مولعه ....قلت اشوف لقيتك لحالك يا اخوي شو ما اتعلمت انا من المره السابقه في المره السابقه اعملت انقلاب وفشل وانا كنت مشرف وصرت عضو وما صدقت وهي الاداره ترضى علي
اخوي
رضت ولا ما رضت قال يا قرد بدي اصخطك قال شو بدك اتحولني غزال انا معك لو بدي اصير عضو موقوف
الهراوات واليافطات من المره السابقه موجوده سير وانا معاك نعم لاسقاط الاداره

لم نفشل في تجربتنا السابقة ..
بعدين مين بيقدر يوقف اسمك ايها العضو الذهبي .. (8000 مشاركة يعني انت من اللي حفروا الأساسات بالمنتدى )
لك حرية الكلام والاعتصام والتظاهر واطلاق الشعارات وابداء الآراء وتشكيل الخلايا ..
نحن نقول لمن ستدغدغ كلماتك عواطفهم .. .. ياهذا خليك فاكر الادارة مش دايما ..
..؟

fulla كتب:

ممممممممممممممممممممم المشكلة الجهتين بجننو سواء اعضاء والا ادارة والا مشرفين
لهيك حيرتوني
احكيلكم انا صوتي بالاخير مع الاغلبية
يلا الي بفوز انا معه حياكم الله
هههههههههههههههههههههههههههههه
انا مع الادراة القديمة ما كان الي واسطة لهيك ما صرت مشرفة
هههههههههههههههههههه

فلة تعالي معانا الدعم المادي جاي في الطريق وبنعطيك وزارة ولا تخافي من امك ههههههههههههه
يجب رص الصفوف .. طريقنا للحشد امام طغاة هذا العصر .

اقتباس :

طب اعطني سبب وااحد لأسقاط هذا النظام الفاشي على رايك

مين .. !!!. المشرف العام

انتي بتحكي وانتي قاعده بـ دارك ولا هامك اي اشي
تعالي انزلي على الشارع وشوفي القهر .. وشوفي العذاب والألم.!! بس معلش
جئنا لنخلص العباد منكم ومن تسلطكم الا محدود ..

سنتظاهر .. ونحرك المسيرات .. ونتجمهر .. ونرغمكم بكل الطرق لإيجاد مكان اخر لكم وتغادرونا ...

له له يا عمي صقر الحاج الا انت وبعيد الشر عنك تصير عضو موقوف ههه
وانت بضلك على رااسنا
وتركك من مارات بس هالمرة رح يوديك لطريق صعبة ههههه

حبيبتي فلة لا تردي علييه وكل الا زعل الماما هههههه
وهذا مارات مو ناوي على خيرر رح تكون نهاية مأساوية خليكي معنا احسنلك



وخالتي كفااح يا عيني عليكي والله دايما راائعة بكل المواقف وكنت هييك متوقعه
بعدين لا تسألي يا خالتي ما عندهم حجة ابداا ههههههه

ماراااااات فكر احسنلك قبل ما يطور الووضع ههههههههه

شو يعني إذا باعك في يوم من الأيام كيلو البندورة بسبعة شواقل وكيلو الخيار ب ستة شواقل .....إنت مش عارف إن موسم البندورة أتى عليه فيروس في منطقة الشرق الأوسط وشمال إفريقيا أيضا ...لهذا صار في غلاء ....ولهذا طلعت الناس من هدومها مع العلم إن البندورة في الاردن وقت ما اشتريت انت من عنده تباع بثلاث دنانير الكيلو يعني ضعف ما إشتريتها ...غني في عبك يا زلمة وأحمد الله وانت عرف الينار كم شيقل يساوي ....يبدو انك مش شاطر في الرياضيات

بيان رقم 2

نود ان نطمن الاعضاء المؤيدون لنا ان الادارة متابعة الموضوع لكن ما بدها تطلع على الموضوع لانه اعتمدت الاعضاء الرائعين الذين هم اهل لذلك ولرد على اي متطرف من قبل مسيو مرات
ونحن بعوون الله منصوووورين وصامدوون للابد
ولالالالالا لأسقاط النظاام

ونرسل تحذير لمسيو مرات ان ليس امامه فرصة الا بحمل عدته وجماعته ويطلع من هوون
ولا تنسى حملت ذنب لنااس ما الهم دخل وانا متأكدة بالاخر رح يكون الانقلاب علييك
لانه ما حدا بنفع للمدير العاام الا عمي القدس

والله ولي التوفيق لناا

أختي الفاضلة دولة جنين
على مهلك شوي ...لا تتسرعي ....نحن أصحاب تجربة واطرف الآخر يعرف ذلك تماما وخلينا نتعلم من أخطاء الماضي...
خلينا نتشاور قبل صدور البيان بعين يصير كل واحد منا يطلع بيان وربما يتناقض مع الآخر خلينا نطبخ طبختنا على نار هادية بنتذوق في النهاية طعمها اللذيذ وحلاوة النصر
على فكرة الجماعة رؤوسهم حامية وراكبينها ...يعني اليوم بعد إنتهاء صلاة الجمعة وسلمت على الأخ علاء وقلت له تقبل الله أجابني (اليوم بدنا نولعها )

حااضر يا عمي ولا يهمك تكرم عيوونك احنا رح نكون ايد وحدة والنصر النا ان شاء الله

ploplo77 كتب:

شو يعني إذا باعك في يوم من الأيام كيلو البندورة بسبعة شواقل وكيلو الخيار ب ستة شواقل .....إنت مش عارف إن موسم البندورة أتى عليه فيروس في منطقة الشرق الأوسط وشمال إفريقيا أيضا ...لهذا صار في غلاء ....ولهذا طلعت الناس من هدومها مع العلم إن البندورة في الاردن وقت ما اشتريت انت من عنده تباع بثلاث دنانير الكيلو يعني ضعف ما إشتريتها ...غني في عبك يا زلمة وأحمد الله وانت عرف الينار كم شيقل يساوي ....يبدو انك مش شاطر في الرياضيات

أنت انسان راقي بتفكيرك .. وتنظر أبعد من مدى بصرك .. أنا بأمس الحاجة لك وخاصة في هذه الفترات المجيدة التي سيخلدها التاريخ .

أما مسألة البندورة فالادارة استغلت الظروف ورفعت الاسعار...

مارست الادارة في العامين .. فساد .. ورشوة .. ومحسوبية وما زال هذا شعار إدراة النظام الحالي ) ..
أخلي طرفك .. وارجع .. وكن ضمن صفوف الثوار .. فالفرصة ما زالت سانحة ..

عزيزي مااااااااااارات
صاحب المبدأ من الصعب أن يتخلى عنه مهما قدمت له من إغراآت ....لا تفكر بي ثانية

البيان الثاني

بيان القوات المسلحه من المقدم بحر الحنان

دعا المقدم بحرأمس رئيس المنتدي إلى الاستماع إلى الاعضاء

وقال بحر ان على الاداره الاستماع إلى ما يقوله الاعضاء ويتخذ قرارا حول طريق مستقبلي يكون منظما

وقد صرح المقدم بحر ان يوم غد سوف يشهد مظاهرات

عنيفه وخاصة في قسمي العام والمطبخ

لذلك يرجى من الاداره اخلاء قسم المطبخ بالذات

خوفا على الاثاث الباهظ الثمن الموجود هناك وخصوصا اطقم الصيني

الي ربنا هو بس الي بيعلم من وين جات

وانها لثورة حتى حتى النصر

كونو بانتظار بياناتنا يوميا على قناة الجزيره




جات الحزينه تفرح ملقتلهاش مطرح

ههههههههههههههههههههههههههههههههه

صركم مسيطرين على الكرسي سنين خلينا ناخد حقنا شو بتفكرو العالم بدها ضلها عايشه على بابا يا حبيبي انسووووووووووووو زمن اول حول على اليمين وموقع
بعدين الجيش عمرو ما بيكون ضد الشعب الورقة هالي اذا بتستخدموها بتخسرو كتير وبتحرقو الكروت تبعتكم
وين الشعب
"الجيش والشعب ايد وحدة"