تاريخ التسجيل : 22/12/2008 عدد المساهمات : 11769 الجنس : العمر : 59 الموقع : بيت عنان العمل/الترفيه : مزارع وبائع متجول المزاج : حسب الوضع نقاط : 98173 أحترام قوانين المنتدى :
موضوع: الولي !!!! 02/01/12, 11:46 pm
الولي صورة شعبية تراثية محكية بقلم ووجدان : الداعي بالخير صالح صلاح شبانة [ندعوك للتسجيل في المنتدى أو التعريف بنفسك لمعاينة هذه الصورة] أكيد الوِلي اللي في اعتقادنا خرافه ، إحنا بحالنا ومالنا ، ما بنعرف ها لضريح ، من وين بجيب النا الشفاعه قديش بقى فكرنا ضئيل ، لمّا بقينا إنآمن ابهذاك الشخص الوهمي المجهول ، اللي ما بقينا نعرف إشي عن حياته وعن اطباعه ولا نعرف وين انولد ، ولا وين مات ولا كيف ، ومين أصلا تحت هذيك القبه ، اللي بنام ابراحه ووداعه بقى الولي في اعتقادنا غامض ، أخذنا الأعتقاد فيه عن اللي قبلنا ، مثل ما .. ، أخذوا عن اللي قبلهم حكي بالتشافه والسماعه بقى الولي في اعتقادنا إشي مقدس ، وسيط بيننا وبين ربنا ، انروح نشكيله همنا ، ونطلب منه الوساطه بشجاعه نستغفر الله من هذاك الأعتقاد ، بس ربنا بقى ايراعي جهلنا ، بقى الجهل .. ، هذاك الحين عنوان الفرد والجماعه والفقر فوق الجهل معمي ابصارنا ، وحبة القمح مستحيله ، ونبحث في روث الخيل ، عن حبة شعير اتدارى جوع الجواعى ******************* بقى العلم عنا ابعيد ، وبقينا نبصم بالأصبع والحافر ، وعقيدتنا امخلطه بشوائب ، انفكرها من جهلنا عباده وطاعه وبقى لكل قريه اشيوخها وأوليائها ومزاراتها وقبابها ، وكرامات بتشد العقل ، نسمعها من خيالات العقل والبراعه وبقى الولي يسكن مقام نحسده عليه إحنا الأحياء بسقايف مليانه حيايا وعقارب ، وجيوش الصراصير فيّاعه وهو في بيت عقِد امكنس مضوي بكذا سراج من زيت الزيتون اللي ريحته محروق ، بترد الجوع جوه هذيك القاعه وحُصُر مفروشه نظيفه للصلاه ، ونذور تتقدم لها لولي ، يوكلوها أجاويد الله ، وعندهم إيمان بالولي وقناعه والجهل نعيم للناس ، يقطفوا اثماره عَ البارد البطّال ، ناس عقيدتهم المصلحه ، يعزفوا على أوتارها ابَّراعه بقى الولي إلو هيبه ومهابه ، وايحلفوا عليه وفيه باحترام ، ويتلمسوا حجاره .. برهبه وخشوع ، ويتوسلوه ابضراعه *********************** بقى الولي من رموز أصالة القريه ، تتباهى وتتفاخر على غيرها ، إنهم سكنوها .. ناس بقت إلهم الولايه إتوِّج نصاعه وبقى ربنا حارسهم إبعينه اللي ما بتنام ، ومعطيهم كرامه وولايه ، قلوبهم مؤمنه نقيه ، وعيونهم من والرهبه دَمّاعَّه نيال العين اللي فاضت بالدمع من خشية الله ، والقريه بقت تشمخ عَ القرى ، بوجود ها لولي فيها وأهلها أتباعه بقى واحدنا إن سرق من حدا جاجه ، ولاّ ديك ولاّ سخله ولاّ احماره ، ولاّ ما تيسر ، وقبل ما يتبهدل وتنفرض عليه المقاطعه نشحطه عند هذاك الولي يحلف يمين ، إن صدق هذا هو نجا ، وان كذب حطمه الولي ، وأهفاه بالتو والساعه وبقى إيماننا في الولي أعظم من إيماننا بالله !!!!! إنوّسِط قبره المزعوم في كل مسائلنا... لِمعلقه والمهمه و اللي فيها لكاعه وانخاف مقام الولي أكثر من خوفنا من الحكومه والشرطه عّ قد ما بقوا ايخوّفوا ، ونرتعد خوف من الكذب عَ الولي واخداعه ******************** بقى إن إتأخر المطر وبدا نستسقي ربنا سبحانه ، كن نطلع إنشورب عند سيدنا الولي ، بكل إيمان رهبه وخشاعه شوربنه يا طقعه ، يَمّ البرد والسقعه ، ويبقى معنا ديك أزرق ، يا ديك يا أزرق ، ياريتك في الميه تغرق ، اللي مثل البَلاّعه وبقى ربنا سبحانه ، اينزل علينا مطر ، مش مشان الولي ، إنما رأفه إبجهلنا اللي ساد ، حتى طلبنا الرحمه بوسيط عن كل قناعه وبقى الولي اشريكنا ، وكل ما شفنا قبّه حَسَبْنا تحتها مزار ، وصارت لقباب في حياتنا ، عقيده مستحكمه بالمناعه ولمّا دخل العِلِم علينا ، ضحكنا من جهلنا ، واستغفرنا ربنا ، اللي رغم شركنا رحمنا ، من هذيك البدع ،وأعلننا التوبه لله والطاعه وهَدّينا المزارات ، وصارت للزباله مكبّات ، وصار منظرها غريب ، وين راحت رهبتها ؟؟ بلا قوه روحيه يا ما هَزّت لِقلوب وداعه وانسينا إنها ها لمقامات تراث خالد ، إرث اورثناه ، ولازم ايظله شاهد ، عَ شروش شعب ، عصي عَ التهويد ، ويرد الهم هذيك لِبضاعه موجود مثل الشمّاعه ، نعلق عليه مقتنيات الماضي ، يظهر شروشنا الممتده في الأرض .. جوّه جوّه ... وما نقلع بأيدينا شروشنا المنّاعّه
تاريخ التسجيل : 21/02/2009 عدد المساهمات : 15568 الجنس : العمر : 54 الموقع : بيت عنان العمل/الترفيه : على الله المزاج : يوم امنيح وعشره زي نقاط : 75732 وسام العضو المميز على لوحة الشرف أحترام قوانين المنتدى :
اليوم في 12:35 am من طرف 
موضوع: الولي !!!! 
