تاريخ التسجيل : 22/12/2008 عدد المساهمات : 11769 الجنس : العمر : 59 الموقع : بيت عنان العمل/الترفيه : مزارع وبائع متجول المزاج : حسب الوضع نقاط : 98263 أحترام قوانين المنتدى :
موضوع: جرح الهوى 23/01/12, 07:37 pm
جرح الهوى صورة عاطفية محكية من أجواء القرية استخرجها من القلب و صاغها ونظمها الداعي بالخير : صالح صلاح شبانة
أنا حطيت عَ جرح الهوا لبخة طيون ، وغسلته بميرميه و بابونج ويانسون وشربت أوجاعه اليوم الصبح ، مغمسه بزيت ودقه وخبز الطابون وطورة قطين من خابية المونه منقيه ، مع بسيسه من طحين القمح وزيت الزيتون ****************** بدك حُب أنقى من حبي اللي طلع ، من قلب بزقزق مثل طير الحسون؟؟ اللي بدَّحي في بيت العقد معانا ، عايش بأمان الله في راس الداخون ؟؟ *************** إلك يا سمرا يا ما غنى ودلعن القلب،ودبكت صبايا الحلم عَ ظريف الطول المزيون اللي عاقد الشوره عَ الحاجب ، ومتشكل بدماية الروزه ، ومن الغوى مكحل لِعيون ******************* يا زريف الطول ووقف احذايا لحظه ، كِت اغبار القلب وقيم عنه الشعشبون واسكن ها لبيت اللي من شافك عِمِر، وفرشلك الرنجس ولِقرنفل والحَنّون
تاريخ التسجيل : 21/02/2009 عدد المساهمات : 15568 الجنس : العمر : 54 الموقع : بيت عنان العمل/الترفيه : على الله المزاج : يوم امنيح وعشره زي نقاط : 75822 وسام العضو المميز على لوحة الشرف أحترام قوانين المنتدى :
21/11/24, 03:25 pm من طرف 
موضوع: جرح الهوى 
