تاريخ التسجيل : 22/12/2008 عدد المساهمات : 11769 الجنس : العمر : 59 الموقع : بيت عنان العمل/الترفيه : مزارع وبائع متجول المزاج : حسب الوضع نقاط : 97633 أحترام قوانين المنتدى :
موضوع: اسمك محتل... 23/01/12, 07:43 pm
اسمك محتل بقلم: الداعي بالخير صالح صلاح شبانة صورة شعبية وطنية محكية بقلم :
اسمك محتل ، وهمي أمسح اسمك ، واطهر الأرض من رجسك يا غاصب أرضي ، أرضي عصيه ، والموت عَ ترابها شرف أرضي طاهره طهوره ، وبتأنف القرف وبتعرف رأينا فيك سلف مش معنى انها الدنيا ملطشه فينا ننام الليل بظلك ..!!! ظلك كريه ، والزمان فينا عصف ومنا شهيد ، ومنا جريح ، سقوا الأرض بالدم ، ومنا أسير في قيود الحريه رسف بس المشوار قدامنا طويل ، واحنا متعودين عَ الموت ، وكلنا حط ايده عَ المصحف وحلف فدوى لعيونك يا فلسطين ، دربك الطويل بجثثنا ارتصف وما بننام عَ حيف ، والحق بستنانا وعَ دربنا وقف ******************* اسمك محتل ، وهمّي أحارب مثلك لا تحلم بيوم من الأيام قلبي ينفتح لك بيني وبينك دم ، وعار عَ اللي يمسح الدم ويغسل كفك تراب الأرض بهتز أذى كل ما خطيت عليه والذان بتهتز أذى كل ما سمعت اسمك قلت لك اياها بدال المره ألف دمي رخيص ودمعي غالي ، ومية وجهي راس مالي أنا ابن فلسطين دوّاس العتمه بسود الليالي وفلسطين أول كلمه بأبجدياتي ، وأول حرف ******************* اسمك محتل وهمي أحارب مثلك ولا بد ويوم أنتصر واتطهر من رجسك لا تحلم بيوم أعطيك طابو الأرض ، واسجلها بأسمك أنا أسير ، أعترف ، وابني من ما انولد بيده حجر كل ما وهن ساعد من زحف الزمن ، ولدن آلاف السواعد وكلهن يتضامنن ضدك ما دامك محتل ، الحرب والموت بيني وبينك عَ قدم وساق، والحرب سجال كل ما طلعنا من معركه ، دخلنا معركه ، ليوم النصر ، وما بنوقف الا عَ أنقاض عمري وعمرك كلمه قلناها ، وحملناها ، ساقتها الريح والعواصف لمحافل الدنيا ، كل ما جناح الحمامه الموعوده رف ..!!! ******************* لا تحلم بيوم نمد لك رقابنا عتبه تخطي من فوقها يا مجنون لازم تعرف انه دمنا كل ما سال أسقى الأرض ، طلع منه حنّون وكثر في حباته الزيت ، لو شربه الزيتون والصبايا والعرايس بتتحنى منه والأرض بتكحل لعيون وما دام شب بحب صبيه وبتجوزا عَ ها لأرض وبتزهى أحلامهم البهيه وفي ثاني يوم العرس عَ الصباحيه لما يسألنها أمها وحماتها ان كان حوّشت ، تزغرت الفرحه في عيونها ، وتقول : مشروع شهيد جاي ، ومن قبل ما ييجي مقدمينه للوطن هديه ..!!! هذا احنا يا غاصب ، وهيذ ربنا خلق الفلسطينيه ، كل ما مات واحد توخذ الأرض ألف ******************* اسمك محتل ، ولو بتجمع كل مقاطيعك الأنذال ، وبتجيبهم ذخيره وسند لظهرك ، مثل ما بنستند بالأبطال عارفينك جبان ساقط الهمه ، وساحقينك مهما الزمن طال ولو مهما الزمن دار عليك ولف ..!!!
تاريخ التسجيل : 21/02/2009 عدد المساهمات : 15568 الجنس : العمر : 54 الموقع : بيت عنان العمل/الترفيه : على الله المزاج : يوم امنيح وعشره زي نقاط : 75192 وسام العضو المميز على لوحة الشرف أحترام قوانين المنتدى :
17/09/24, 10:24 am من طرف 
موضوع: اسمك محتل... 
