الملك الخليلي و بناته الثلاثة

قصة ما قبل النوم عند الخلايلة
>
> الملك الخليلي و بناته الثلاثة
>
>
>
>
>
> كان يا ما كان في قديم الزمان. ملك
> خليلي عنده ثلاث بنات حب في يوم من
> الأيام انه يختبر حبهم اله. جاب
> الكبيرة (وجه البكسة). وقالها:
> يابا يا حبيبتي قديش بتحبي أبوكي
> الملك
>
> البنت من غير تفكير : بحبك قد ما
> السمك بحب البحر
>
> الملك فكر وقال في باله :
ايهو
> السمك بقدر يعيش بدون بحر هاي
> البنت بتحبني كتير . وقال الها :
> أنا كنت عارف انك بتحبيني بس مش
> لهدرجة . وقام اعطاها قصر كبير
> ومجوهرات
>
> جاب البنت التانية وسألها نفس
> السؤال . فقالتله : بحبك قد ما
> الطير بحب السما .. انبسط الزلمة
> وكيف . وأعطاها قصر جنب أختها
> ومجوهرات وميمعة
>
> بعدين جاب البنت الصغيرة ( اخر
> العنقود اللي بموت فيها ) وسألها
> نفس السؤال . قامت جاوبته : بحبك قد
> ما الدقة بتحب الشطة
>
> الزلمة زعل وعصب وقام لفحها كف
> ومسكها من شعرها وزتها برة القصر .
>
وما رضي يسمع منها ولا نص كلمة .
> البنت دارت بالحواري وعلى أرصفة
> الطرقات وتسمع كلمة من هاد
> وكلمتين من هداك . لغاية ما ربنا
> حن عليها و أجاها مزارع مسكين على
> باب الله حبها وحبته وراحوا سكنو
> بالكوخ تبعه اللي بنص الغابة
>
> ودارت الأيام ومرت الأيام ما بين
> بعاد وخصام
>
> وفي يوم من الأيام كان الملك قاعد
> بتصيد بالغابة ونسي حاله وسرح
> وضاع بالغابة. دور على المرافقين .
> ولا هم هون . طب الحرس . وين
> الشباب؟؟؟؟؟؟؟؟ لا حياة لمن
> تنادي . ضل الملك يمشي ويمشي
> .لغاية ما لقي هالكوخ لصغير
قال
> يلا بفوت برتاح وباكلي لقمة. دق
> على الباب فتحلوا صاحب البيت وهو
> مش عارفه. دخلوا جوا وهو شايفه
> تعبان. وصار يحكي مع الزلمة. مرته
> مش خافي عليها الصوت. قام الزلمة
> بيقول للمرة اذبحيلنا جاجتين
> خلينا نتعشى ونعشي الضيف. المرة
> مين طبعا ؟؟؟؟؟؟؟؟؟ واضحة بنت
> الملك المقصوفة الصغيرة
>
> بدت تشتغل بالجاجات وخطر على
> بالها فكرة. نادت جوزها وقالتله
> خود شوية الدقة هاي مع صحن زيت
> سلكو فيهم لغاية ما يخلص الاكل
> شكله الزلمة ميت من الجوع
>
> والله الزلمة عجبته الفكرة وقام
> حط
الزيت والدقة قدام الملك
> وقاله: اتفضل يا عمي على بين ما
> يجهز الاكل . الملك ميت جوع وهو
> بحب الدقة كتير. ما بلع اول لقمة
> ولا صار بده يستفرغ
>
> وصاح بالزلمة : ولكو شو هاظ دقة من
> غير شطة ؟؟؟ كيف بتاكلوها
> هاي؟؟؟؟؟؟؟؟؟؟؟
>
>
>
> وفجأة اتذكر بنته الصغيرة وصار
> يعيّط زي الهبايل . قاله الزلمة:
> ول، شو مالك يا زلمة انت العاقل .
> كل هاظ مشان شوية دقة هسة الجاج
> بخلص...قلعطتني...شو هالعالم هاي.
> راح الملك حكى للزلمة القصة . وهو
> خلص من هون نطت البنت وقالت :
> بخخخخخخخخخ ،،، كيفك يابا؟
عرفت
> قديش بحبك يا اهبل ؟؟؟؟؟؟
>
> وهيك عرف الملك قديش بتحبه بنته .
> وجابتله دقة بشطة . طبعا ما أكل
> منها ولا لقمة لأنه نزل بالجاج
> جرد
>
> و أعطاها قصرين ومجوهرات و سوبر
> ماركت و كروز دخان علشان هي
> بتأرجل، وشغل جوزها شفير على باص باب الزاوية

مشكور على القصة ومنيحة هاي بخخخ ......

إذا كنــتَ تخطـط لعـام فـأزرع الأرز
وإذا كنـتَ تخطـط لعشريـن عـام فأزرع الشجـر
وإذا كنـتَ تخطـط لمائـة عـام فـعـلـّم الـنـاس ,,!!

الفرق بين الأحرار والعبيد ؛
هو أن الأحرار يدافعون عن أفكار مهما كان الأشخاص الذين يحملونها ،،
في حين أن العبيد يدافعون عن أشخاص مهما كانت الأفكار التي يحملونها !!

[ندعوك للتسجيل في المنتدى أو التعريف بنفسك لمعاينة هذه الصورة]

mashkor 3la almror

مالك عناني على الخلايلة
مشكووووور
تقبل دخولي

bas men ele rae7 ekon almlk

» الملك والوزراء الثلاثة
» بسة الخليلي
» حفل خطوبة واصف محمد توفيق جمهور (الخليلي )
» قصة العبادلة الثلاثة
» الوزراء الثلاثة