امثال فلسطينيه

موضوع: امثال فلسطينيه 21/07/09, 06:46 am

يا جبل ما يهزك ريح

· ما في شدة إلاّ وراها فرج

· العاقل وديه ولا توصيه

· حظ يفلق الصخر

· حلاة الزيارة غارة

· القرد في عين أمه غزال

· الفاضي بيعمل قاضي

· صنعة في اليد أمان من الفقر

· وجع ساعة ولا كل ساعة

· جاجة حفرت على راسها عفرت

· أعطي الخبز لخبازه ولو أكل ثلاثة أرباعه

· ينام اللي ما على قلبه هم

· العين بتعلاش على الحاجب

· العز يليق بصحابه

· اللي بتزوج أمي بصير عمي

· ما بحرث الأرض إلا عجولها

· الجود من الموجود

· بنت العم بتصبر على الجفا

· حلم الجوعان عيش

· جوعة على جوعة تخلي القلب لوعة

· اللي بسعدها زمانها بتجيب بناتها قبل صبيانها

· إللي إِلُه غايب بيظل قلبه ذايب

· احترم كبيرك بيحترمك صغيرك

· الخط الأعوج من الثور الأبرق

· العرق دساس

· ستر البنت زواجها

· اخطب لبنتك قبل ما تخطب لابنك

· خلقة باب بيرد الكلاب

· اللي ما باخذ من ملته يموت بعلته

· جارك القريب ولا أخوك البعيد

· الجار للجار ولو جار

· اللي يزرع زرعين ما يخيب

· الباب اللي يجيك منه الريح سدو واستريح

· اللي بيته من قزاز ما يرمي الناس حجارة

· الشر سياج أهله

· أهل السماح ملاح

· بات مغلوب ولا تبات غالب

· اطعم الضارى وخلي المشتهي

· اضرب الطينة بالحيط إن ما لزقت تعلِّم

· دق الحديد يبان عيبه

· قيس قبل ما تغيص

· عواد ما عاد بعيدها

· لقمة هنية تكفي مية

· الرغيف اللي بيلمع للصاحب اللي بينفع

· أول قرى الضيف البشاشة

· الممارس غلب الفارس

· الحركة ولود والسكون عاقر

· القاعد حجير والماشي طير

· اشتغل بقرش وحاسب البطال

· إن مال عليك الزمان ميل على ذراعك

· تراب العمل ولا زعفران البطالة

· صابح القوم ولا تماسيهم

· اللي بدق الباب بسمع الجواب

· اللي يحضر السوق بتسوق

· كثر الرفرفة يكسر الجناح

· نص البطن بغني عن ملاته

· قلع الضرس ولا وجعه

· إذا فاتك السوق اتمرغ بترابه

· إن كانت الحية بتنحط بالعب، عمر العدو ما بينحب

· بلادك إن شحت عليك مرية

· اتعب على أرضك تتعب عليك

· يا فرعون مين فرعنك، ما لقيت حدا يردني

· يكفيك شر جوعان وشبع

· الجوعان يأكل عودان المكانس

· الكسرة بيد الفقير هجنه

· طول ما الكيس ملان بيكثروا الخلان

· الولد البكر يحيي الذكر

· ابن ليلة يعرف الشيلة

· ماحدا طلع من بطن أمه متعلم

· ما يبكي على الولد إلاّ اللي رباه

· جوزك على ما عودتيه وابنك على ما ربتيه

· اللي ما يطول قطف العنب، بقول حامض

· اللي بتطلع لفوق رقبته بتنكسر

· اللي ما ياخذ من قدره، دق البين سدره

· قبل ما تدور على مرة دوّر لابنك على خال

· اسأل قبل ما تناسب يبان للردى والمناسي

· خذ الأصيلة ونام على الحصيرة

· من رقعت ما عريت، ومن دبّرت ما

· أثقل من كهلان (اسم جبل)

· أحر من الجمر

· أرق من النسيم

· أضيق من سم الخياط

· يد الحر ميزان

· الجمل في شي والجمال في شيء

· الإسكافي حافي والحايك عريان

· جوزت بنتي لارتاح من بلاها أجتني وأربعة من وراها

· لو بشوف الجمل حردبته كان بيوقع وبيكسر رقبته

· اللي ما بيشقى ما بيلقى

· الشحادة عادة

· من أمّنك لا تخونه ولو كنت خاين

· اللي بعاشر القط يلقى خراميشه

· معك قرش، تسوى قرش

· قالوا للأربنه كلي، قالت تا أسلم بلحماتي

· من خلى حاله حب أكله الدجاج

· جاي من البرية وتاخذ الأولية؟

· البدّار عارف شو طالع من ايده

· الزيتون ملّك العاجز

· صاحب الصنعة مالك قلعة

· اللي يطلع من ثوبه يعرى

· أهلك ولا تهلك

· اللي من دمك ما يخلو من همك

· عمر الدم ما صار ميّ

· الظفر ما بطلع من اللحم

· أصلك يردك

· الحر ما يتنكر لأصله

· اللي ما لو كبير مالو تدبير

· - اللي يربط بقبتو حبل بيلاقي ألف مين يشدو

· المنية ولا الدنية

· النار ولا العار

· اللي من إيده الله يزيده

· الغريب يكون أديب

· ميه مالحة ووجوه كالحة

· هين فلوسك ولا تهين نفوسك

· التقى المتعوس على خايب الرجا

· المنحوس منحوس ولو حطوا على راسه فانوس

· درهم حط ولا خزاين مال

· تجري جري الوحوش غير نصيبك ما تحوش

· من حرص ما انقرص

· اللي ما يطل العرجون بيقول ما أمرُّه

· لا يموت الذيب ولا تفنى الغنم

· الشب الغاوي شو ما راد يساوي

· غلطة المعلم بألف

· القط حج سبع حجات وما بطل قنصاته

· سلاح البنت مراية ومشط

· العقدة اللي تحلها بيدك لا تحلها باسنانك

· اللي بقعد مع العوران لازم يعوّر عين

· على قد فراشك مد رجليك

· خير عادة ما تتعود عادة

· من عاشر القوم أربعين يوم صار منهم

· أكل الرجال على الرجال دين وأكل الرجال على الأنذال صدقة

· السر إذا جاوز اثنين شاع

· طعام على طعام بورث الجرثام

· اللي خلفه أبوك لك ولأخوك

· اللي بخاف من العقرب بطلع له

· ما بعنا بالكوم غير اليوم

· أيلول ذنبه مبلول

· آخر آب الجو عاب

· كانون كن في بيتك كثر ملحك وزيتك

· برد الصيف أحد من السيف

· البرد سبب كل عله

· بزمان الخير ما غنينا يا ليل

· ما يطلع من دار المطبلين غير المزمرين

· كسرنا الدف وبطلنا الرقص

· دوام الحال من المحال

· فرس الباغي عثور

· اللي ما يزم القدح بيده ما يروى

· دق الحديد وهو حامي

· المي لا تمشي إلا بمجاريها

· الحيط الواطي كل الناس بتنطه

· حمر المطايا ما جابها النوّام

· ايد واحدة ما بتصفق

· اللي مالو ظهر بنضرب على بطنه

· الأسى ما بينتسى

· عمر الحية ما صارت خية

· ما تستاهل الكرا إلاّ اللي تركب الزرار والعرى

· غناه من مرته وفقره من مرته

· حيِّل النسوان غلبت حيِّل الغيلان

· بنت الرجال عانت واستعانت، وبنت الأنذال حطت راسها ونامت جاعت
· حتى يشيب الغراب

· أبرد من الثلج

· آمن من حَمام الحرم

· أبصر من كلب

· أبلغ من قس

· مثل القرعة بتتباهى بشعر بنت أختها

· مثل البوم ما بنعق إلا بالخراب

· زي السمك بس يطلع من المية بموت

· الدهر دولاب يوم معك ويوم عليك

· رعاية البقر ولا رعاية البشر

· إسأل مجرب ولا تسأل حكيم

· الديك الفصيح من البيضة بصيح

· الصلح سيد الأحكام

· عصفور في اليد ولا عشرة على الشجرة

· اللي ما عنده زرع ما عنده قلع

· فكرت الباشا باشا، تاري الباشا زلمه

· الفلاح يبذر حبه وبيتكل على ربه

· فت الشبعان على الجوعان فت بطيء

· الموت بين الناس نعاس

· الدعوة بتدور بتدور ع سبع بحور وبترجع لصاحبها

· الكبار بتاكل الحصرم والصغار يضرسون

· العرق يسوس ع سبع جنوس

· قيراط بخت ولا قنطار شطارة

· من غربل الناس نخلوه

· مال الحرام ما بيدوم

· اللي بيزرع الخير يحصد البركة

· الفنجان الأول للضيف والثاني للكيف والثالث للسيف

· الخال لولا الشك والد

· رب ابنك واحسن أدبه، ما بموت تا يخلص أجله

· الإبن الفاسد يجيب لأهله المسبه

· الغصن مني ولو مال

· سيف الأهل من خشب

· يا رايح كثر الملايح

· اللي يصبر ينول

· صبرك على نفسك ولا صبر الناس عليك

· اثنين في دار ما يعلم بيهم جار

· اللي على راسه جره يتلمسها

· الصراحه راحة

· الحر كرامته رأس ماله

· اعمل معروف وارميه في البحر

· كلنا أولاد تسعة

· المرأة عمارة

· كلمة بتحنن وكلمة بتجنن

· عيشة الفهيم مع البهيم داء دفين

· فين كنت أيام الحصايد كنت أغني قصايد

· اللي ما يغبر شنبه ما بدسمه

· رجل في السوق ولا مال بالصندوق

· شغل المتجدد يهد

· فلاح مكفي سلطان مخفي

· اللي أمه خبازه ما بيجوع

· الشين شين ولو عجنوه بقنطار عسل

· لبّس البوصة تصير عروسه

· الرجال مخابر مش مناظر

· اللي يحب الورد يتحمل شوكه

· الولد ولد ولو صار قاضي بلد

· شعرة على شعره تساوي دقن

· الدراهم كالمراهم

· اللي عنده مال محيره يشتري حمام ويطيره

· عدو جدك ما بودك

· عمر العدو ما صار حبيب إلاّ لما يصير الحمار طبيب

· الدهر دولاب

· اللي بدو الدح ما بقول اح

· ما مات حق وراه مطالب

· من طلع من داره قل مقداره

· البيت اللي رباني ما بينساني

· الغربة كربة وهم للركبة

· البيت اللي تاكل منه لا تدعي عليه بالخراب

· يا معمر بغير بلدك ما هو إلك ولا لولدك

· طب الجرة على ثمها تطلع البنت لأمها

· من يمسك إصبعه صحيح لا يدمي ولا يقيح

· العقل زينه واللي بلاه حزينه

· البنت بلا حلق، دالية بلا ورق

· إذا حصلت المحبة ارتفع التكليف

· ايش دخلك بيت عدوك، قال حبيبي فيه

· هم البنات للممات

· العز للرز والبرغل شنق حاله

· نوم السراري للضحى العالي

· أعزب دهر ولا أرمل شهر

· بناتي فراشي وأولادي غطاي

· الأم تعشعش والأب يطفش

· الصغار زينه الدار

· بارك الله في الدار الوسيعة والفرس السريعة والمرة (المرأة) المطيعة

لا تكسر ابدا كل الجسور مع من تحب...
فربما شاء ت الاقدار لكما يوما لقاء آخر يعيد الماضي , و يصل ما انقطع ..
((( فاذا كان العمر الجميل قد رحل فمن يدري ربما انتظرك عمر اجمل)))

موضوع: رد: امثال فلسطينيه 21/07/09, 02:33 pm

مشكوره على هذه الامثال ارائعه
وتقبلي مروري

ـــــــــــــــــ
التوقيــــــــــع

صباحك ومساك يا وطني بالدم يحليك ...
وبدمعي يمسح عنك كل ما يجنيك ...
فلسطيني انا والكل يخشاني ومن لم يعلم ذلك يرى الهزيج

موضوع: رد: امثال فلسطينيه 21/07/09, 04:21 pm

مشكورة على الامثال الشعبية
وسيم ربيع

ـــــــــــــــــــــــــــــــــــــــــــــــــــــــــــــــــــ

التوقيــــــــــــــــــــــــــع

امثال فلسطينيه 271448517

موضوع: رد: امثال فلسطينيه 22/07/09, 07:03 am

اشكركم على التعليق تحياتي لكم جميعا

لا تكسر ابدا كل الجسور مع من تحب...
فربما شاء ت الاقدار لكما يوما لقاء آخر يعيد الماضي , و يصل ما انقطع ..
((( فاذا كان العمر الجميل قد رحل فمن يدري ربما انتظرك عمر اجمل)))

موضوع: رد: امثال فلسطينيه 22/07/09, 12:03 pm

مشكورة الاخت لوست على
الامثال الكثيرة والتي شملت
معظم مناحي حياتنا

إذا كنــتَ تخطـط لعـام فـأزرع الأرز
وإذا كنـتَ تخطـط لعشريـن عـام فأزرع الشجـر
وإذا كنـتَ تخطـط لمائـة عـام فـعـلـّم الـنـاس ,,!!

الفرق بين الأحرار والعبيد ؛
هو أن الأحرار يدافعون عن أفكار مهما كان الأشخاص الذين يحملونها ،،
في حين أن العبيد يدافعون عن أشخاص مهما كانت الأفكار التي يحملونها !!

امثال فلسطينيه 71410_538696399512375_596433814_n

امثال فلسطينيه 71410_538696399512375_596433814_n

موضوع: رد: امثال فلسطينيه 25/07/09, 06:00 am

مشكووووووووووووووووره على هاي الامثال والى الامام ان شاء الله

ــــــــــــ الـتــــوقيـــــــع ـــــــــــــ

موضوع: رد: امثال فلسطينيه 25/07/09, 06:58 am

مشكوره يا ام محمود على الامثال
مع كل حترامي اخوكي رامي

موضوع: رد: امثال فلسطينيه 26/07/09, 04:10 am

مشكوووووره اختي على هاي الامثال
تقبلي مروري واحترامي

» نكت فلسطينيه
» صووووووور فلسطينيه
» أحاسيس فلسطينيه
» تواقيع فلسطينيه
» مأكولات شعبية فلسطينيه 2