وفاة صخر حبش عضو اللجنة المركزية لحركة فتح

[ندعوك للتسجيل في المنتدى أو التعريف بنفسك لمعاينة هذه الصورة]
بيت لحم- معا- توفي المناضل صخر حبش "ابو نزار" عضو اللجنة المركزية السابق لحركة فتح، مسؤول مكتب الدراسات الفكرية للحركة، اليوم الاحد عن عمر يناهز 70 عاما، في مدينة رام الله.

ونعى عضو المجلس الثوري لحركة فتح د. جمال نزال صباح اليوم الاحد، الراحل صخر حبش معربا عن سعادته بأن حبش قد عاش لحظة تكريم في المؤتمر السادس.

كما نعت حركة فتح في قطاع غزة فقيد الشعب الفلسطيني القائد الوطني صخر حبش أبو نزار عضو اللجنة المركزية لحركة فتح.

وقالت الحركة في بيان لها "بأسمى آيات التقدير والحزن العميق نودع قائدا ثوريا ورمزا طليعيا من رموز الثورة الفلسطينية ومبدعا فكريا خط أدبيات الثورة الفلسطينية المعاصرة مشعلا لهيب الانطلاق نحو الصمود والمقاومة والدفاع على حقوق الشعب ومقدراته".

وتابع البيان "باسم قيادة وكوادر وأبناء حركة فتح في قطاع غزة نتقدم بالتعزية لجماهير شعبنا وللأخ القائد العام محمود عباس أبو مازن ولقيادة حركة فتح ولذوي الفقيد القائد صخر حبش سائلين الله أن يرحمه ويلهم ذويه الصبر والسلوان، وإنا لله وإنا إليه راجعون".

نبذة عن حياة الفقيد

ولد صخر حبش في قرية بيت دجن بالقرب من مدينة يافا عام 1939، وفي نكبة عام 1948 هجّر من قريته فوصل إلى مدينة رام الله بداية ثم انتقل إلى مخيم بلاطة للاجئين في محافظة نابلس.

انتقل في منتصف الخمسينيات إلى القاهرة ودرس الجيولوجيا والموارد المائية في جامعة عين شمس حيث تخرج في العام 1958. وحصل على شهادة الماجستير في الهندسة الجيولوجية من جامعة أريزونا في الولايات المتحدة الأميركية عام 1962، وعمل مسؤولا لسلطة مصادر الطبيعة في الأردن.

وفي أوائل الستينيات من القرن العشرين التحق بالحركة الوطنية الفلسطينية ليصبح مسؤول التعبئة والتنظيم في حركة فتح عام 1962.

وفي تشرين الأول من عام 1972، تولى القيادة الإقليمية للحركة في لبنان. أما في عام 1989، فقد عين عضوا في اللجنة المركزية لحركة فتح.

من اشهر اشعار المرحوم صخر حبش قصيدة لازم تزبط
كيف راح تزبط


لازم تزبط
قالو .. كيف ؟
كيف راح تزبط ؟
قلنا الغدر بيصنع ظلم بيولد قهر
قالو القهر بيودي القبر
قلنا القهر بيصرخ .. (لأ)
قالو شفايفنا مقطوعه ..
ممنوعه من قولة (لأ)
قلنا لما اللا بتزم بتنطر دم
بتحشي جراح الغازي سم
بتنسج فوق صخور الدرب حروف النار
بتنقش فوق الريح الثوره ... بالاصرار
لازم .. لازم .. لازم بتصير غنيوة ثوار


* *


قالو الايد الوحده ما بتصفق
قلنا الايد الوحده بتقدر تضرب
ولما بتزرع اصبع فوق ازناد المدفع
بتصير جيش
قالو الضعف ما بهزم قوه
قلنا .. لازم
قالو كيف ؟
قلنا الثوره بتبدا نقطه بتصبح نهر
قالو القصه بدها دهر
قلنا القصه بدها صبر
بدها ايمان واصرار
والخطوه بترسم مشوار
والشعله لزغيره في غابة
شعب مكافح تصبح نار
والنقطه اللي بتصنع نهر .. بتصنع بحر
وحق القوة يصبح ضعف
لما قوة حق الشعب بتبدا ..
بيبدا النصر
قالو النصر بعيد بعيد
\عاللي يستنى المقادير
وبيهجم عاللي بيطير
فوق جناحات البواريد
قالو يا ما بيتعب ناس
قلنا ياما بيولد ناس
قالو لما النهر بيتعب
بتصير الميه مستنقع
فيه يفقس بيض الحزن
وجناح الباروده بيوقع
قلنا الميه منها الشلال
قالو المستنقع مليان
خوف وتجار واعيان
والبواريد اللي ما وقعت
صارت تحرس في الشيطان
هذا بحمي العهر ..
وهذا ليله ونهاره سكران
صبو الخمره في بوز المدفع
والباروده صارت تدمع
واللي رجله ضاعت ضايع
واللي عنده كرامه صايع
واللي بيفشر صار بيؤمر
واللي بيسرق في من يستر
واللي ما لو عم
خليه يروح ينطم
واللي .. واللي .. قالو .. وزادو .. وعادو
المستنقع مليان
قلنا المستنقع في الثوره ...
بدو ثوره ..
والطغيان ...
بدو زنود الشمس الحره ..
اللي ما بترضى تنباع ..
لا بالسهره .. ولا بالسكره
ولا بالعم .. ولا بالخال\
اللي بتصنع المستنقع
هيه اللي بتصنع شلال
قالو المستنقع مليان
قلنا من المستنقع بطلع ..
ثوره في الثوره ... طوفان





يناير 1978

انا لله وانا اليه راجعون
الله يرحم هذا المناضل